image2 02.02.2018

Паскарэнне тэмпаў эканамічнага росту і павышэнне даходаў у Рэспубліцы Беларусь пры падтрымцы Еўрапейскага саюза і Сусветнага банка

Спрыянне паскарэнню тэмпаў эканамічнага росту і павышэнню даходаў насельніцтва з’яўляюцца асноўнай мэтай прадстаўленага сёння сумеснага праекта Еўрапейскага саюза і Сусветнага банка па падтрымцы эканамічнай палітыкі для Рэспублікі Беларусь.

«Еўрапейскі саюз разглядае развіццё эканомікі Беларусі як сферу ўзаемнай цікавасці і аказвае падтрымку краіне ў забеспячэнні эканамічнага прагрэсу, − адзначыла Андрэа Віктарын, Кіраўнік Прадстаўніцтва Еўрапейскага саюза ў Рэспубліцы Беларусь. − Гэты праект дапаможа беларускім грамадзянам скарыстацца перавагамі ўстойлівага эканамічнага росту і нізкага ўзроўню інфляцыі, прывядзе да пашырэння рынкавых магчымасцей, стварэнню надзейных рабочых месцаў і больш эфектыўных механізмаў сацыяльнай абароны».

Для падтрымкі праекта Еўрапейскі саюз прапануе фінансаванне ў аб’ёме 3 мільёнаў еўра на працягу 2018−2020 гадоў. Сусветны банк акажа кансультацыйную дапамогу Ураду Рэспублікі Беларусь па пытаннях умацавання сістэмы кіравання дзяржаўнымі фінансамі, забеспячэння стабільнасці банкаўскага сектара, павышэння эфектыўнасці работы прадпрыемстваў, абароны уразлівых хатніх гаспадарак і развіцця рыначных інстытутаў.

Рэалізацыя новых захадаў эканамічнай палітыкі і прыняцце нарматыўных прававых актаў у сферах, названых вышэй, грае важную ролю для павышэння канкурэнтаздольнасці прадпрыемстваў, спрыяння эфектыўнаму размеркаванню рэсурсаў і паскарэння тэмпаў росту даходаў насельніцтва.

«Дзякуючы падтрымцы Еўрапейскага саюза Рэспубліка Беларусь атрымае падтрымку Сусветнага банка ў пытаннях змены захадаў палітыкі, неабходных для павышэння даходаў беларускіх грамадзян, − адзначыла Сату Кэхконен, Дырэктар Аддзела Беларусі, Малдовы і Украіны Сусветнага банка. − Мы гатовыя падзяліцца наяўнымі ў нас ведамі і досведам па тых аспектах палітыкі, якія маюць вельмі важнае значэнне для стымулявання эканамічнага росту».

Рэспубліка Беларусь пераадолела эканамічны спад апошніх гадоў дзякуючы рацыянальнаму макраэканамічным кіраванню, але для далейшага павышэння ўзроўню жыцця неабходныя далейшыя эканамічныя і інстытуцыйныя пераўтварэнні, якія суправаджаюцца захадамі сацыяльнай абароны для падтрымання дасягнутага жыццёвага ўзроўню насельніцтва.