image2 23.05.2017

Як прадбачыць праблемы спажыўцоў паслуг ЖКГ?

Як павысіць эфектыўнасць зваротнай сувязі з насельніцтвам і вылучыць галоўнае кола праблем? Што хаваецца за словамі "праактыўнасць" і "сацыяльная падсправаздачнасць"? На ўсе гэтыя пытанні паспрабавалі адказаць эксперты трэнінгу па сацыяльнай падсправаздачнасці ў жыллёва-камунальным сектары, арганізаванага МГА «Экапартнёрства» 11-12 мая ў Мінску.

У мерапрыемстве прынялі ўдзел прадстаўнікі ЖКГ, выканкамаў, грамадскіх арганізацый з розных раёнаў Беларусі. Сваімі ведамі з удзельнікамі дзяліліся беларускія і замежныя эксперты. Адным з іх стаў эксперт з Румыніі Чыпрыян Паповічы (кампанія «Green Partners»). Ён распавёў пра вопыт сваёй кампаніі ў вырашэнні праблем эфектыўнага ўзаемадзеяння жыллёва-камунальных службаў і спажыўцоў.

DSC_0407.JPG

- Важна разумець, што для паспяховага ўзаемадзеяння ўладаў і мясцовага насельніцтва перш за ўсё вы, як работнікі ЖКГ, выканкамаў і НДА, павінны зыходзіць з патрэб грамадзян, з іх эканамічных інтарэсаў і патрэбаў. Але, акрамя гэтага, вы павінны ведаць, што іх скаргі і прэтэнзіі прад'яўлены абгрунтаваны. З гэтага вынікае яшчэ адзін важны фактар ​​- дасведчанасць спажыўцоў пра працуы жыллёва-камунальных службаў, пра празрыстасцьі сістэмы і ўсіх яе складнікаў, - адзначыў Паповічы.

Замежны эксперт распавёў пра розныя прыклады з практыкі сваёй кампаніі, якія падкрэсліваюць, што важны не сам сэрвіс, а людзі, якія ім будуць ці не будуць карыстацца.

DSC_0490.JPG

Ён адзначыў, што для паляпшэння эфектыўнасці ЖКГ важна прышчапляць праактыўны стыль працы, пры якім любыя магчымыя праблемы прадугледжваюцца загадзя і вырашаюцца да іх непасрэднага з'яўлення. У Еўропе, напрыклад, папулярныя stopshops (стопшопы) - па аналогіі са службамі аднаго вакна ў Беларусі і Расіі.

Калі ў спажыўца паслуг узнікае нейкае пытанне, прапанова, заўвага, ён звяртаецца ў стопшоп. Зрабіць гэта ён можа рознымі спосабамі: па тэлефоне, адправіць запыт па электроннай пошце ці прыйсці ў вызначыныя гадзіны прыёму грамадзян. У любым выпадку кожны такі зварот павінен фіксавацца, разглядацца і вырашацца.

За два дні трэнінгу ўдзельнікі папрацавалі ў групах, складаючы планы сумесных дзеянняў на зададзеную тэму. Прадстаўнікі ЖКГ, выканкамаў і НДА асобна абмяркоўвалі фронт сваёй дзейнасці, напрыклад, у задачы "На павышэнне ўцягнутасці мясцовага насельніцтва ў раздзельны збор адходаў". Кожная з груп прадставіла план размеркавання абавязкаў, а таксама распісала ролю мас-медыя ў дасягненні сваіх мэтаў. Чыпрыян Паповічы адзначыў, што разуменне ступені адказнасці дадзенымі сектарамі даволі расплывіста:

- Галоўнымі ініцыятарамі ўсіх змяненняў і партнёрамі ў працы павінны выступаць НДА, а таксама аблвыканкамы і райвыканкамы, якія да таго ж бяруць на сябе адказнасць па публікацыі справаздач. У сваю чаргу ролю выканаўцаў і экспертаў па працы з насельніцтвам бярэ на сябе ЖКГ.

Таксама большасць экспертаў адзначылі, што стварэнне экалагічных брэндаў у прэсе і на тэлебачанні (ролік "Рух 99" з янотамі, якія сартуюць смецце; серыя мульцікаў з буслікам ад "Экапартнёрства"), "лікбезы" па працы ЖКГ, устанаўленню тарыфаў, сумеснаму бюджэтаванню, а таксама папулярызацыя экалагічна дружалюбнага ладу жыцця павінны стаць прыярытэтнымі напрамкамі пры супрацоўніцтве любога ўзроўню дзяржаўных і недзяржаўных устаноў, арганізацый са СМІ.

Мерапрыемства прайшло пры падтрымцы праекта Еўрапейскага саюза «Патрэба ў эфектыўным кіраванні жыллёва-камунальнай гаспадаркай», які рэалізуецца МГА «Экапартнёрства», БТАС (Беларускае таварыства аховы спажыўцоў), Іўеўскім і Вілейскім райвыканкамамі.