s3


Внимание! Чтобы отобразить геотеги на карте при печати, необходимо включить в параметрах печати "режим печати фона".

Паказаць карту
Адкрыць легендуЗачыніць легенду

Зялёная эканоміка, навакольнае асяроддзе і ўстойлівае развіццё

Энергетыка

Развіццё прыватнага сектара

Рэгіянальнае развіццё

Ахова здароўя і сацыяльная інтэграцыя

Культура, навука, адукацыя і моладзь

Грамадзянская супольнасць і правы чалавека

Эфектыўнае дзяржаўнае кіраванне

Рэфармаванне судовай і пенітэнцыярнай сістэмы

Міграцыя, прытулак і бежанцы

Кіраванне дзяржаўнай мяжой

Мір і бяспека

Нормы і стандарты

Пашыраны Скінуць


Тэма:

Дзейсны
“Павестка-50” Правы людзей з інваліднасцю: павестка для Беларусі

24 верасня 2015 года Рэспубліка Беларусь далучылася да Канвенцыі ААН аб правах інвалідаў, а праз год ратыфікавала гэты дакумент. Канвенцыя прадугледжвае забеспячэнне правоў і асноўных свабод людзей з інваліднасцю, прызнанне іх паўнапраўнымі членамі грамадства. Дадзены праект накіраваны на прывядзенне нацыянальнага заканадаўства ў адпаведнасць з палажэннямі Канвенцыі, а таксама ўкараненне адпаведных змяненняў у беларускую правапрымяняльную практыку.

Price: € 408 159 Status: Тэрмін: 2016 - 2018
Дзейсны
MOST (Праграма мабільнасці для мэтанакіраваных міжасобасных кантактаў)

Мабільнасць – здольнасць грамадзян хутка перамяшчацца з адной краіны ў іншую – дапамагае не толькі завязваць новыя знаёмствы, але і паляпшаць паразуменне паміж краінамі. Дзякуючы праграме 1.500 беларусаў падчас паездак у краіны ЕС змогуць набыць новыя веды, павысіць прафесійную кваліфікацыю, знайсці партнёраў. Удзельнікам праекта аплачваюцца выдаткі на транспарт, пражыванне, харчаванне, візу, страхоўку, уваходныя квіткі на мерапрыемствы.

Price: € 4 795 000 Status: Тэрмін: 2014 - 2018
Дзейсны
Развіццё гарадскога роварнага руху ў інтарэсах грамадскасці Рэспублікі Беларусь

У многіх беларускіх сем’ях сёння ёсць, як мінімум, адзін ровар. Але для большасці людзей ровар па-ранейшаму асацыюецца з адпачынкам, мала хто разглядае яго як паўнавартасны від транспарту. Разам з тым колькасць аўтамабіляў у гарадах пастаянна расце. У Мінску, паводле ацэнак экспертаў, гэта можа прывесці да транспартнага калапсу. Праект накіраваны на развіццё роварнага руху для паляпшэння экалогіі і эканомікі беларускіх гарадоў.

Price: € 630 173 Status: Тэрмін: 2017 - 2019
Дзейсны
Спрыянне пераходу Рэспублікі Беларусь да “зялёнай” эканомікі

Зялёная эканоміка закліканая палепшыць дабрабыт людзей і зменшыць экалагічныя рызыкі. Прырода − найважнейшы рэсурс з пункту гледжання “зялёнай” канцэпцыі. Атрымліваць ад яе карысць, не робячы шкоды, дапамагае прымяненне сучасных эфектыўных стратэгій.

Price: € 5 000 000 Status: Тэрмін: 2014 - 2017
Дзейсны
Ад вытокаў да развіцця

Дзякуючы мясцовым ініцыятывам у Слаўгарадскім раёне адрадзіўся старадаўні промысел – традыцыйнае сыраварства. Сёння на кулінарныя фестывалі сюды едуць з усёй Беларусі. Турызм – наступны важны кірунак у развіцці рэгіёну.

Price: € 460 264 Status: Тэрмін: 2015 - 2018
Дзейсны
Водная ініцыятыва Еўрапейскага саюза плюс для краін Усходняга партнёрства

Вада − найважнейшы рэсурс і ключавы фактар устойлівага развіцця краін Усходняга партнёрства ЕС: Азербайджана, Арменіі, Беларусі, Грузіі, Малдовы і Украіны. У той жа час для водных аб’ектаў рэгіёна актуальная праблема забруджвання прамысловымі сцёкамі і адходамі сельскай гаспадаркі. Ахоп насельніцтва паслугамі водазабеспячэння ў цэлым дастаткова высокі, але іх якасць далёка не заўсёды здавальняючая. Адной з прыярытэтных задач Воднай стратэгіі Рэспублікі Беларусь на перыяд да 2020 года з’яўляецца рэалізацыя басейнавага прынцыпу кіравання воднымі рэсурсамі, а таксама абарона ад забруджвання паверхневых і падземных вод. Дадзены праект накіраваны на вырашэнне задач, якія стаяць перад краінамі ў воднай сферы.

Price: € 24 601 815 Status: Тэрмін: 2016 - 2020
Дзейсны
Мэры за эканамічны рост (Ініцыятыва ЕС для краін-удзельніц Усходняга партнёрства)

Асноўнымі мэтамі нацыянальнай Праграмы сацыяльна-эканамічнага развіцця Беларусі на 2016-2020 гады з’яўляюцца аднаўленне эканамічнага росту, павышэнне канкурэнтаздольнасці эканомікі, прыцягненне інвестыцый і інавацыйнае развіццё. Асаблівая ўвага нададзеная рэгіянальнаму і мясцоваму развіццю. Нягледзячы на ​​тое, што рэгіёны сёння дэманструюць больш высокія тэмпы эканамічнага росту, чым сталіца, дыспрапорцыя ва ўзроўні жыцця пагаршаецца. Гэта пагражае сацыяльна-дэмаграфічнай дэградацыяй малых гарадоў і вёсак. Ініцыятыва “Мэры за эканамічны рост” прапануе сучасны падыход да кіравання мясцовым эканамічным развіццём, які станоўча зарэкамендаваў сябе ва ўсім свеце.

Price: € 4 979 800 Status: Тэрмін: 2017 - 2020
Дзейсны
Кансультацыі для малога бізнесу

Прадпрымальніцтва з’яўляецца падмуркам развіцця любой эканомікі, яно стварае новыя працоўныя месцы і фармуе здаровае канкурэнтнае асяроддзе. Нездарма ў шэрагу развітых краін на долю малога бізнесу прыходзіцца да 70% валавога нацыянальнага прадукту. Сусветны досвед паказвае, што недзяржаўныя кампаніі, як правіла, працуюць больш эфектыўна за дзяржаўныя. Праект “Кансультацыі для малога бізнесу” дапамагае паспяховаму развіццю малых і сярэдніх прадпрыемстваў Беларусі.

Price: Status: Тэрмін: 2015 - 2017
Дзейсны
Жанчыны ў бізнесе

Жаночае прадпрымальніцтва, як любы малы бізнес, грае важную ролю ў эканоміцы дзяржавы. У той жа час кампаніі, узначаленыя жанчынамі, часта сутыкаюцца з праблемай доступу да фінансавання і ноў-хаў. Праект аказвае падтрымку малым і сярэднім прадпрыемствам са штатам да 250 супрацоўнікаў і гадавым абаротам менш за 50 млн еўра. Абавязковая ўмова − кіраваць кампаніяй павінна жанчына.

Price: Status: Тэрмін: 2015 - 2017
Дзейсны
Развіццё сацыяльнага прадпрымальніцтва

Сацыяльнае прадпрымальніцтва заклікана вырашаць ці змякчаць актуальныя праблемы грамадства на ўмовах самаакупнасці. Сёння гэтая з’ява набірае абароты ва ўсім свеце. Праект прадугледжвае развіццё сацыяльнага прадпрымальніцтва ў Беларусі. Яго ўдзельнікі маюць унікальную магчымасць атрымаць якасную міжнародную адукацыю ў сферы сацыяльна арыентаванага бізнесу.

Price: € 798 919 Status: Тэрмін: 2016 - 2019