10-12 жніўня ў Гомельскай вобласці пройдзе навучальны інтэнсіў для актывістаў, якія хацелі б займацца развіццём веласіпеднай інфраструктуры ў сваіх населеных пунктах.
Веласіпедысты з усіх гарадоў Беларусі змогуць атрымаць веды аб тым, як вызначыць якасць веласіпеднай інфраструктуры, куды звяртацца, калі веласіпедная інфраструктура адсутнічае або пабудавана няправільна, як велаактивисты з іншых гарадоў і краін выпраўляюць і папярэджваюць памылкі праекціроўшчыкаў і будаўнікоў.
У якасці экспертаў на мерапрыемстве выступяць вопытныя замежныя велаактывісты, а таксама прадстаўнікі арганізацый Мінскае роварнае таварыства, ВелаГомель, ВелаГродно, За вела Брэст.
Папярэднія тэмы велалагера:
-Гарадская мабільнасць, месца велатранспарту ў ёй.
-Функцыі вуліц: транспартная і грамадская.
-Хуткасць, прапускная здольнасць, бяспека ... Міфы ад дарожных праекціроўшчыкаў.
-Прыярытэты развіцця транспарту ў горадзе.
-Арганізацыя веласіпеднага руху: ад сеткі маршрутаў да элементаў інфраструктуры.
-Планаванне сеткі веламаршрутаў.
-Формы арганізацыі веласіпеднага руху.
-Чаму велаінфраструктуру трэба будаваць разам з астатняй вуліцай і ці можна стварыць веладарожку з дапамогай фарбы.
-Трансфармацыя вуліц: замежныя прыклады.
-Ці можна беларускія вуліцы перарабіць «малой крывёй»?
Мерапрыемства разлічана на людзей, якім хочацца не проста ездзіць на пакатушкі, але і рабіць нешта большае для развіцця веларуху ў сваім горадзе. Усяго ў велалагеры возьмуць ўдзел 30 раварыстаў, адабраных на конкурснай аснове.
Удзел у мерапрыемстве бясплатны. Арганізатары забяспечваюць харчаванне і пражыванне ўдзельнікаў, а таксама кампенсуюць транспартныя выдаткі.
Калі вы хочаце прайсці навучанне ў рамках велалагера, то запоўніце, калі ласка, анкету да 1 жніўня.
Велалагер праводзіцца ў рамках праекта «Гарадскі веларух у Беларусі» пры фінансавай падтрымцы Еўрапейскага саюза. Праект будзе рэалізаваны ў Беларусі ў 2017-2019 гадах Цэнтрам экалагічных рашэнняў і Мінскім роварным таварыствам.
25.07.2018
