загрузка карты...
Паказаць карту
Адкрыць легенду
Зачыніць легенду
Зялёная эканоміка, навакольнае асяроддзе і ўстойлівае развіццё
Энергетыка
Развіццё прыватнага сектара
Рэгіянальнае развіццё
Ахова здароўя і сацыяльная інтэграцыя
Культура, навука, адукацыя і моладзь
Грамадзянская супольнасць і правы чалавека
Эфектыўнае дзяржаўнае кіраванне
Рэфармаванне судовай і пенітэнцыярнай сістэмы
Міграцыя, прытулак і бежанцы
Кіраванне дзяржаўнай мяжой
Мір і бяспека
Нормы і стандарты
Тэма: Ахова здароўя і сацыяльная інтэграцыя
Выбудоўванне эфектыўных механізмаў абароны для паляпшэння становішча дзяцей з цяжкімі формамі інваліднасці і захворваннямі, якія абмяжоўваюць працягласць жыцця
Праект накіраваны на абарону і падтрымку патрэб адной з самых уразлівых груп у беларускім грамадстве – дзяцей з цяжкімі формамі інваліднасці і захворваннямі, якія абмяжоўваюць працягласць жыцця.
Паляпшэнне прыгранічных медыцынскіх паслуг у сардэчна-сасудзiстых захворваннях і інтэнсіўнай медыцынскай тэрапіі ў рэгіёнах Беластока і Мінскай вобласці
Абмен перадавым досведам паміж бальніцамі і выкарыстанне новага спецыялізаванага медыцынскага абсталявання даюць магчымасць палепшыць медыцынскае абслугоўванне насельніцтва. Гэта, у сваю чаргу, спрыяльна адбіваецца на якасці і ўзроўні жыцця людзей.
Паляпшэнне трансгранічных медыцынскіх паслуг у анкалагічнай уралогіі ў рэгіёнах Беластока і Гродзенскай вобласці
Рост колькасці новых выпадкаў раку ў галіне ўралогіі павялічвае патрэбнасць у хірургічных умяшаннях. Паводле дадзеных канцэр-рэгістра Рэспублікі Беларусь, да 2029 года ў Беларусі і Польшчы колькасць выпадкаў раку прастаты павялічыцца на 29%, раку мачавога пухіра ‒ на 22%. Павышэнне даступнасці і якасці медыцынскага абслугоўвання дазволіць палепшыць дыягностыку і правядзенне аперацый пры онкаўралагічных захворваннях.
Памяншэнне сацыяльнай ізаляцыі і павышэнне якасці жыцця хворых на рак у Віленскім павеце і Гродзенскай вобласці
Сучасная малаінвазіўная хірургія дазваляе апераваць людзей з анкалагічнымі захворваннямі з мінімальным траўмаваннем пацыента і з меншым болевым сіндромам. Такія аперацыі пераносяцца лягчэй, чым адкрытыя хірургічныя ўмяшанні, таму пацыенты хутчэй аднаўляюцца. Гэта дазваляе ім хутчэй вярнуцца да паўсядзённага жыцця.
Для выратавання. Паляпшэнне доступу да медыцынскіх паслуг пры надзвычайных сітуацыях з дапамогай узаемадзеяння структур хуткай медыцынскай дапамогі на прыгранічнай тэрыторыі Польшчы, Беларусі і Украіны
Працяглы час чакання медыцынскай дапамогі з’яўляецца адной з прычын вялікай колькасці выпадкаў смерці ў надзвычайных сітуацыях. Аказанне своечасовай дапамогі можа быць абцяжарана з-за недахопу медыцынскага абсталявання, недастатковай кваліфікацыі брыгад хуткай дапамогі, наяўнасці абсталявання і транспартных сродкаў са значным зносам, а таксама нізкай дасведчанасці мясцовых супольнасцей аб правілах аказання першай дапамогі.
Развіццё прыгранічнага супрацоўніцтва ў аказанні дапамогі людзям з аўтызмам на польска-беларускай мяжы
Колькасць дзяцей з аўтыстычнымі парушэннямі расце штогод. У Брэсцкай вобласці за апошнія пяць гадоў іх колькасць павялічылася ўдвая. Каб аказваць якасную карэкцыйна-педагагічную дапамогу, неабходна падрыхтаваць спецыялістаў, набыць спецыяльнае абсталяванне і стварыць інфраструктуру, даступную для дзяцей з разладамі аўтыстычнага спектру.
Паляпшэнне эпідэміялагічнай бяспекі на польска-беларускім памежжы
Ранняе выяўленне інфекцыйных захворванняў дае магчымасць своечасова пачаць неабходнае лячэнне і прадухіліць распаўсюджванне інфекцый. А прафілактычныя захады, у тым ліку па інфармаванні насельніцтва, дазваляюць паменшыць колькасць новых выпадкаў інфекцыйных захворванняў.
Вольны доступ да медыцынскіх паслуг у трансгранічным рэгіёне
У Брэсцкай дзіцячай абласной бальніцы ў аварыйным стане знаходзіцца сістэма генеравання і размеркавання кіслароду. Ад яе залежыць праца аддзяленняў рэанімацыі, выходжвання нованароджаных, аперацыйныя блокі. Таксама бальніца на базе рэанімацыі аказвае паліятыўную дапамогу (для невылечных хворых), аднак стацыянарныя паліятыўныя палаты з-за недахопу рэсурсаў не былі вылучаныя. Мадэрнізацыя кіслароднай станцыі і сістэмы размеркавання медыцынскіх газаў створыць умовы для далейшага абсталявання бальніцы новым медыцынскім абсталяваннем і пашырэння спектру паслуг.
Мадэль медыцынскай праграмы барацьбы з астэапарозам на польска-беларускім памежжы
Павелічэнне сярэдняй працягласці жыцця і адмоўны натуральны прырост насельніцтва спрыяюць таму, што ў Беларусі расце колькасць людзей сталага ўзросту. Адна з праблем пажылых грамадзян – астэапароз. У Беларусі і Польшчы прыблізна 30% людзей старэйшых за 50 гадоў пакутуюць на гэтае захворванне. Пры гэтым у большасці выпадкаў з-за недахопу спецыялістаў і адсутнасці сістэмы ранняй дыягностыкі астэапароз у пажылых людзей выяўляюць толькі пры пераломе.
Пашырэнне ўдзелу грамадзянскай супольнасці ў прыняцці рашэнняў па пытаннях сацыяльнай інтэграцыі ў Беларусі
Аказанне дапамогі і падтрымкі людзям, асабліва з уразлівых груп, з’яўляецца адной з найважнейшых функцый у рабоце мясцовых уладаў. Уцягванне ў гэты працэс мясцовай супольнасці дапамагае вырашаць праблемы, якія ўзнікаюць, і рэагаваць на запыты людзей найбольш хутка і эфектыўна.
