Тэма: Культура, навука, адукацыя і моладзь

У Беларусі, Малдове і Украіне сельскае насельніцтва хутка старэе. Моладзь, не маючы перспектыў для росту і развіцця, з’язджае ў гарады, што прыводзіць да нестабільнасці сельскага сектара і павышае рызыкі для нацыянальнай харчовай бяспекі. Праект будзе спрыяць развіццю ў сельскіх раёнах прафесійнай аграрнай адукацыі, што прывядзе да росту эканамічных магчымасцяў і інтэграцыі моладзі ў сельскую гаспадарку.

Паспяховы выхад на рынак працы і далейшае замацаванне на ім выклікае шэраг цяжкасцяў і асцярог у моладзі. Асабліва гэта актуальна для сацыяльна ўразлівай катэгорыі маладых людзей. Праект, які распрацаваны з улікам шматгадовага паспяховага досведу працы “SOS – Дзіцячыя вёскі”, закліканы палепшыць перспектывы па занятасці моладзі ў Беларусі, Арменіі і Украіне.

У Беларусі існуе праблема недахопу працоўнай сілы, што асабліва актуальна для сельскіх раёнаў. Маладых людзей у малых гарадах і вёсках становіцца ўсё менш, а тыя, хто там застаецца, недастаткова актыўныя ў пытаннях працаўладкавання. Дадзены праект дапаможа выбудаваць алгарытм актыўнага ўзаемадзеяння ўсіх зацікаўленых бакоў і павысіць шанцы моладзі на працаўладкаванне.

Нацыянальная стратэгія сацыяльна-эканамічнага развіцця Беларусі да 2020 года прадугледжвае пераход да інавацыйнага шляху развіцця эканомікі і павышэнне канкурэнтаздольнасці айчыннай навукі. Гэта патрабуе больш якаснай падрыхтоўкі спецыялістаў, здольных не толькі генераваць ідэі, але і ўкараняць новыя распрацоўкі ў вытворчасць і сацыяльную сферу. Матываваць студэнтаў да інавацыйнай дзейнасці закліканыя вытворчыя лабараторыі (фаблабы), створаныя на базе галоўных ВНУ.

Для многіх беларусаў працэс адукацыі завяршаецца разам са сканчэннем каледжа або ўніверсітэта. Аднак ва ўсім свеце сёння набірае папулярнасць дадатковая адукацыя і навучанне на працягу ўсяго жыцця. Пасля таго як у 2011 годзе ў Беларусі ўступіў у сілу адукацыйны кодэкс, тэрмін “дадатковая адукацыя дарослых” стаў разумецца шырэй – сёння пад ім маецца на ўвазе не толькі павышэнне кваліфікацыі, але і любое арганізаванае навучанне, у тым ліку – нефармальнае.

Уступленне Беларусі ў Балонскі працэс прадугледжвае збліжэнне нацыянальнай сістэмы вышэйшай адукацыі з стандартамі Еўрапейскага саюза. Рэалізацыя праекта палегчыць укараненне нормаў Балонскага працэсу ў беларускія ВНУ і такім чынам дапаможа краіне паспяхова інтэгравацца ў Еўрапейскую адукацыйную прастору.