загрузка карты...
Паказаць карту
Адкрыць легенду Зачыніць легенду

Зялёная эканоміка, навакольнае асяроддзе і ўстойлівае развіццё

Энергетыка

Развіццё прыватнага сектара

Рэгіянальнае развіццё

Ахова здароўя і сацыяльная інтэграцыя

Культура, навука, адукацыя і моладзь

Грамадзянская супольнасць і правы чалавека

Эфектыўнае дзяржаўнае кіраванне

Рэфармаванне судовай і пенітэнцыярнай сістэмы

Міграцыя, прытулак і бежанцы

Кіраванне дзяржаўнай мяжой

Мір і бяспека

Нормы і стандарты

Пашыраны Скінуць


Тэма:

Дзейсны
Павышэнне канкурэнтаздольнасці і ўстойлівасці турызму ў сферы культуры, спрыянне захаванню, даступнасці і развіццю нематэрыяльнай культурнай і гістарычнай спадчыны ў Латвіі, Літве і Беларусі
Нематэрыяльная культурная спадчына і мясцовая гісторыя ў трансгранічных рэгіёнах не цалкам вывучаныя і выкарыстоўваюцца ў якасці турыстычнага прадукту не ў поўным аб’ёме, што стварае рызыкі iх страты. Для захавання гісторыка-культурнай спадчыны трансгранічныя рэгіёны Беларусі, Латвіі і Літвы могуць ствараць і развіваць сумесныя турыстычныя прадукты. Гэта не толькі прыцягне турыстаў, але і паспрыяе павышэнню прывабнасці рэгіёнаў і ўзмацненню іх турыстычнага патэнцыялу.
Price: € 1 031 590 Status: Тэрмін: 2019 - 2021
Дзейсны
Вольны доступ да медыцынскіх паслуг у трансгранічным рэгіёне
У Брэсцкай дзіцячай абласной бальніцы ў аварыйным стане знаходзіцца сістэма генеравання і размеркавання кіслароду. Ад яе залежыць праца аддзяленняў рэанімацыі, выходжвання нованароджаных, аперацыйныя блокі. Таксама бальніца на базе рэанімацыі аказвае паліятыўную дапамогу (для невылечных хворых), аднак стацыянарныя паліятыўныя палаты з-за недахопу рэсурсаў не былі вылучаныя. Мадэрнізацыя кіслароднай станцыі і сістэмы размеркавання медыцынскіх газаў створыць умовы для далейшага абсталявання бальніцы новым медыцынскім абсталяваннем і пашырэння спектру паслуг.
Price: € 857 359 Status: Тэрмін: 2019 - 2020
Дзейсны
Зніжэнне негатыўнага ўздзеяння чужародных інвазійных відаў раслін на экасістэмы і дабрабыт людзей у памежным літоўска-беларускім рэгіёне (Чужародныя інвазійныя віды раслін)
Укараненне (інвазія) агрэсіўных чужародных відаў з’яўляецца ў цяперашні час глабальнай экалагічнай і сацыяльна-эканамічнай праблемай у свеце. Інвазійныя віды выцясняюць мясцовыя віды раслін і жывёл, трансфармуюць і знішчаюць мясцовыя экасістэмы, наносяць значную эканамічную шкоду і ўяўляюць небяспеку для здароўя людзей. Распрацоўка захадаў па прадухіленні біялагічных інвазій, змякчэнні іх наступстваў і маніторынг з’яўляюцца абавязкам усіх краін, уключаючы Літву і Беларусь, якія падпісалі ў 1992 годзе ў Рыа-дэ-Жанейра Канвенцыю аб біялагічнай разнастайнасці. Эфектыўныя дадзеныя захады толькі пры міжнародным супрацоўніцтве, бо інвазійныя віды не ведаюць дзяржаўных межаў.
Price: € 314 691 Status: Тэрмін: 2019 - 2020
Дзейсны
Аднаўленне агульнай культурнай спадчыны як асновы для развіцця трансгранічнага супрацоўніцтва моладзі і творчых калектываў Польшчы і Беларусі
У Грушаўцы (Ляхавіцкі раён) у цяперашні час знаходзіцца ў занядбаным стане і паступова руйнуецца сядзіба Рэйтанаў. Дом сядзібы штогод наведвае каля 1000 турыстаў з Польшчы. Але з-за наяўных унутраных разбурэнняў дадзены аб’ект прызнаны непрыдатным для наведвання турыстамі (яго можна разглядаць толькі звонку). У выніку рэалізацыі праекта турысты з Польшчы і Беларусі атрымаюць магчымасць даведацца аб мясцовай і трансгранічнай культурнай спадчыне і атрымаюць доступ да прывабных культурна-гістарычных аб’ектаў.
Price: € 2 375 000 Status: Тэрмін: 2019 - 2021
Дзейсны
Узмацненне магчымасцей кіналагічнай службы мытных ведамстваў Рэспублікі Беларусь і Рэспублікі Польшча
У апошнія гады на мяжы Беларусі з краінамі Еўрапейскага саюза павялічваецца колькасць спробаў кантрабанды тытунёвых вырабаў, а таксама наркатычных і псіхатропных рэчываў. Барацьба з незаконным перамяшчэннем праз мяжу тытунёвай прадукцыі і забароненых рэчываў з’яўляецца важнай часткай дзейнасці беларускіх і польскіх мытных службаў па забеспячэнні бяспекі па абодва бакі мяжы.
Price: € 221 820 Status: Тэрмін: 2019 - 2020
Дзейсны
Захаванне і адаптацыя спадчыны князёў Радзівілаў для развіцця турызму ў Кедайняі і Нясвіжы
Беларусь і Літву яднае гісторыя княжацкага роду Радзівілаў, чыя спадчына прыцягвае турыстаў у Кедайняй і Нясвіж. Захаванне гісторыка-культурных аб'ектаў, звязаных з сям'ёй Радзівілаў, з'яўляецца важнай умовай для далейшага развіцця турыстычнага патэнцыялу двух рэгіёнаў.
Price: € 726 704 Status: Тэрмін: 2019 - 2021
Дзейсны
«Шляхам Тызенгаўза» — стварэнне турыстычнага маршруту з мэтай прасоўвання культурна-гістарычнай спадчыны двух гарадоў: Саколкі і Гродна
Польскі горад Саколка і беларускі Гродна аб'ядноўвае фігура князя Антонія Тызенгаўза — вядомага рэфарматара і фінансіста, палітычнага і грамадскага дзеяча XVII стагоддзя. Супрацоўніцтва двух гарадоў па захаванні культурна-гістарычнай спадчыны князя Тызенгаўза дапаможа раскрыць турыстычны патэнцыял рэгіёна.
Price: € 2 139 255 Status: Тэрмін: 2019 - 2021
Дзейсны
Мадэль медыцынскай праграмы барацьбы з астэапарозам на польска-беларускім памежжы
Павелічэнне сярэдняй працягласці жыцця і адмоўны натуральны прырост насельніцтва спрыяюць таму, што ў Беларусі расце колькасць людзей сталага ўзросту. Адна з праблем пажылых грамадзян – астэапароз. У Беларусі і Польшчы прыблізна 30% людзей старэйшых за 50 гадоў пакутуюць на гэтае захворванне. Пры гэтым у большасці выпадкаў з-за недахопу спецыялістаў і адсутнасці сістэмы ранняй дыягностыкі астэапароз у пажылых людзей выяўляюць толькі пры пераломе.
Price: € 1 852 282 Status: Тэрмін: 2019 - 2021
Дзейсны
Разам для грамады і прыроды: Міёрскі раён
Устойлівае развіццё на рэгіянальным і мясцовым узроўнях з’яўляецца адным з найважнейшых прыярытэтаў для Рэспублікі Беларусь на найбліжэйшыя гады. Раскрыць патэнцыял рэгіёну і даць імпульс для яго далейшага развіцця дапаможа партнёрства паміж мясцовай уладай і арганізацыямі грамадзянскай супольнасці.
Price: € 1 085 888 Status: Тэрмін: 2019 - 2022
Дзейсны
Удзел грамадскасці і эфектыўнае кіраванне воднымі рэсурсамі ў Мастоўскім раёне

Сельскія жыхары ў Беларусі часта вымушаныя выкарыстоўваць пітную ваду дрэннай якасці з калодзежаў і не могуць скарыстацца паслугамі па водаадвядзенні. Мастоўскі раён не стаў выключэннем: паводле папярэдніх дадзеных, у 70% калодзежаў вада можа быць нітратна і бактэрыялагічна забруджанай. Палепшыць сітуацыю з водазабеспячэннем і водаадвядзеннем плануецца пры падтрымцы праекта Еўрапейскага саюза.

Price: € 645 398 Status: Тэрмін: 2019 - 2022