Моладзь з ЕС і шасці Усходніх краін-суседзяў ЕС (Арменія, Азербайджан, Беларусь, Грузія, Малдова і Украіна) запрашаюць падаць заяўку для ўдзелу ў Летнім лагеры Еўрапейскай школы 2018 года, які пройдзе ў Грузіі з 9 па 29 жніўня. Узрост удзельнікаў павінен быць ад 14 да 18 гадоў.
Летнік збярэ каля 100 маладых людзей для ўдзелу ў розных інтэрактыўных і адукацыйных мерапрыемствах. Гэтыя мерапрыемствы будуць накіраваныя на тое, каб падкрэсліць еўрапейскія грамадзянскія каштоўнасці і спрыяць супрацоўніцтву, шматкультурнаму ўзаемаразуменню і цярпімасці сярод моладзі ў рэгіёне Усходняга партнёрства.
Летнік будзе падрыхтоўчым этапам для патэнцыйных студэнтаў Еўрапейскай школы Усходняга партнёрства і для іншых зацікаўленых маладых людзей з мэтавым каэфіцыентам удзелу паміж Усходнімі краінамі-суседзямі ЕС і дзяржавамі-членамі ЕС прыкладна 80-20.
Заяўкі прымаюцца да 18 траўня 2018 года. Больш падрабязную інфармацыю аб тым, як падаць заяўку, можна знайсці тут.
Стварэнне Еўрапейскай школы Усходняга партнёрства з’яўляецца часткай больш шырокіх рэгіянальных намаганняў па задавальненні патрэб моладзі, надаючы асаблівую ўвагу сярэдняй адукацыі. Гэта флагманскі праект Камісіі ў рэгіёне Усходняга суседства і з’яўляецца адным з “20 ключавых вынікаў ва Усходнім партнёрстве на 2020 год”.
Даведацца больш:
Фота: Еўрапейскі саюз
