У Мінску падвялі вынікі экалагічнага конкурсу малюнкаў і відэаролікаў сярод дзяцей і моладзі.
Напярэдадні Дня Зямлі ў Мінску абвясцілі пераможцаў конкурсу малюнкаў і відэаролікаў сярод навучэнцаў устаноў адукацыі, якія рэалізуюць адукацыйны праект "Зялёныя школы" ў Беларусі. Тэма конкурсу супадае з тэмай Дня Зямлі гэтага года: "Адновім нашу Зямлю!"
Галоўнымі мэтамі конкурсу стала фарміраванне адказных адносін да навакольнага асяроддзя ў дзяцей і моладзі, а таксама прасоўванне экалагічнай адукацыі.
“Вачыма дзяцей мы ўбачылі тыя надзённыя пытанні, якія хвалююць нашае маладое пакаленне і якія мы павінны вырашыць для нашай здаровай будучыні, будучыні нашай роднай зямлі і планеты, - адзначыў у сваім прывітальным выступе Баляслаў Казіміравіч Пірштук, Першы намеснік Міністра прыродных рэсурсаў і аховы навакольнага асяроддзя Беларусі. - У многіх працах прадстаўлены шляхі вырашэння гэтых самых экалагічных задач. Я рады, што сёння моладзь клапоціцца аб сваім будучыні не менш за эколагаў”.
Усяго ў конкурсе прынялі ўдзел 294 ўстановы адукацыі ў катэгорыі "малюнак" (усяго 1061 малюнак) і 128 устаноў адукацыі ў катэгорыі "відэаролік" (усяго 206 відэаролікаў).
Важна адзначыць, што ўсе ўдзельнікі конкурсу навучаюцца па праграме “зялёныя школы". Атрыманыя экалагічныя веды дзеці змаглі перадаць у сваёй творчасці.
“У Дзень Зямлі мы працягваем змагацца з пандэміяй, якая з’яўляецца беспрэцэдэнтнай y нашым жыцці і патрабуе глабальнага адказу. У гэтым кантэксце пытанні змены клімату, аховы прыроды і біяразнастайнасці могуць здацца не такім тэрміновымі. Аднак крызіс нясе ў сабе і магчымасці выкарыстоўваць новыя веды, практыкі і тэхналогіі для выратавання планеты і людзей, зрабіць эканоміку больш зялёнай і ўстойлівай, а таксама развіваць экалагічнае адукацыю сярод людзей усіх узростаў. Я з задавальненнем адзначаю, што гэтыя веды і рашэнні ў тым ліку знайшлі адлюстраванне ў малюнках і відэароліках, прадстаўленых на конкурс”, - падкрэсліла Аляксандра Салаўёва, Пастаянны прадстаўнік Праграмы развіцця ААН у Рэспубліцы Беларусь.
Экалагічныя веды неабходныя ў сучасным свеце. Адукацыйную праграму “Зялёныя школы” пачалі адаптаваць ў Беларусі пры падтрымцы ПРААН і з фінансаваннем Еўрапейскага саюза з 2010 года. З таго часу кожны год да яе далучаецца ўсё больш ўстаноў адукацыі. Сёння ўжо больш за 400 адукацыйных устаноў у рамках праграмы вывучаюць пытанні біяразнастайнасці, энергазберажэння, водазберажэння, абыходжання з адкідамі, якасці атмасфернага паветра і арганізуюць інфармацыйна-экалагічныя мерапрыемствы.
Пераможцамі конкурсу сталі:
· у катэгорыі малюнка сярод дзяцей 5-6 гадоў: Матылевич Ілля, 6 гадоў, малюнак «Ля кармушкі» (Дашкольны цэнтр развіцця дзіцяці № 2 г.Ліда);
· у катэгорыі малюнка сярод дзяцей 7-10 гадоў: Жураўкоў Максім, 10 гадоў (ДУА «Сярэдняя школа №2 г. Новалукомля»);
· у катэгорыі малюнка сярод дзяцей 11-13 гадоў: Аляхновіч Анастасія, 12 гадоў, малюнак «Юныя захавальнікі Ельні» (ДУА «Германавіцкі дзіцячы сад-сярэдняя школа» Шаркаўшчынскага раёна);
· у катэгорыі малюнка сярод дзяцей 14-17 гадоў: Марозава Юлія, 17 гадоў, малюнак «Маленькая балотная птушка - знікаючы ў свеце від» (ДУА «Сярэдняя школа № 1 г. Пінска»);
· у катэгорыі відэаролікаў сярод дзяцей 11-13 гадоў: Маталянец Сафія, 12 гадоў, відэаролік «Правядзі час з карысцю!» (ДУА «Брэсцкі абласны цэнтр турызму і краязнаўства дзяцей і моладзі» (эколага-біялагічны профіль));
· у катэгорыі відэаролікаў сярод дзяцей 14-17 гадоў: Васеха Дзяніс, 15 гадоў, відэаролік «Выконвай правілы энергазберажэння» (ДУА «Гімназія № 7 г. Віцебска").
Конкурс малюнкаў і відэаролікаў на тэму «Адновім нашу Зямлю!» праведзены ў рамках праекта «Прыцягненне грамадскасці да экалагічнага маніторынгу і паляпшэнне кіравання аховай навакольнага асяроддзя на мясцовым узроўні», які рэалізуецца Праграмай развіцця ААН у партнёрстве з Міністэрствам прыродных рэсурсаў і аховы навакольнага асяроддзя Рэспублікі Беларусь і фінансуецца Еўрапейскім Саюзам.
