У новым нумары прадстаўлена інфармацыя аб праграме Erasmus+ і яе магчымасцях для беларускіх грамадзян і арганізацый.
Мікалай Лістапад распавёў, у якіх праектах праграмы Erasmus+ удзельнічае Беларусь, колькі студэнтаў і супрацоўнікаў ВНУ змогуць паехаць на вучобу і стажыроўкі ў ЕС у найбліжэйшыя два гады і чаму пакуль не ўдаецца рэалізаваць сумесную магістарскую праграму ў рамках Erasmus+.
9 з 13 сумесных міжуніверсітэцкіх праектаў па нарошчванні патэнцыялу ў сферы вышэйшай адукацыі рэалізуюцца з удзелам БДУ. Аляксандр Рытаў растлумачыў, чаму галоўная ВНУ Беларусі лічыць удзел у Erasmus+ адным з прыярытэтаў свайго развіцця.
Людміла Ганчар распавяла аб крэдытнай мабільнасці для студэнтаў і супрацоўнікаў ВНУ і пра тое, як праходзіць адбор кандыдатаў.
Удзел у праектах у рамках Erasmus+Моладзь дае маладым беларусам магчымасць атрымаць новыя веды, пазнаёміцца з культурай і традыцыямі еўрапейскіх народаў, завязаць карысныя і цікавыя кантакты з аднагодкамі з розных краін. Пра важнасць моладзевага абмену і валанцёрства распавяла Марына Корж.
Удзельнікі розных праектаў у рамках праграмы Erasmus+ падзяліліся сваімі ўражаннямі і вынікамі ад вучобы, стажыровак і трэнінгаў у розных еўрапейскіх краінах.
Выпуск завяршае блок навін, у тым ліку аб адкрыцці 2-га конкурсу праектных прапаноў Праграмы трансгранічнага супрацоўніцтва Латвія – Літва − Беларусь на 2014−2020 гады.
