Сярод конкурсаў новай Рабочай праграмы вылучаецца сумесны конкурс Еўрапейскай камісіі і SPIRE, еўрапейскай платформы апрацоўчай прамысловасці, https://www.spire2030.eu/. У рамках конкурсу фінансуюцца інавацыйныя праекты, накіраваныя на павышэнне рэсурса- і энергаэфектыўнасці апошняй.
Асаблівасць конкурсу заключаецца ў тым, што Еўрапейская камісія рэкамендуе ўключаць у склад кансорцыумаў арганізацыі з краін Усходняга партнёрства, у тым ліку з Беларусі. Гэта значна павышае цікавасць да нас з боку партнёраў з ЕС і палягчае ўваходжанне ў кансорцыумы. Бюджэт конкурсу 2018 года вызначаны ў памеры 97 млн еўра, падача заявак завяршаецца 22 лютага 2018 г. бюджэт конкурсаў 2019 і 2020 гадоў будзе ўдакладнены пазней.
Уяўляецца, што найбольш імавернымі ўдзельнікамі конкурсу ад Беларусі могуць быць буйныя рэсурса- і энергаёмістыя прадпрыемствы апрацоўчай прамысловасці і навуковыя арганізацыі краіны, якія супрацоўнічаюць з імі.
Падрабязна з тэкстам конкурсу можна пазнаёміцца на стар. 61-71 дакумента “Horizon 2020 – Work Programme 2018-2020: Nanotechnologies, Advanced Materials, Biotechnology and Advanced Manufacturing and Processing” па адрасе: http://ec.europa.eu/research/participants/portal/desktop/en/funding/reference_docs.html (Work Programmes — 2018-2020 – Main WP – 5ii).
Дадатковая інфармацыя: http://fp7-nip.org.by/ru/hor20/news/SPIRE_about.html.
23 лістапада 2017 г. у 11.30 адбудзецца вебінар для тлумачэння ўмоў і правілаў удзелу ў конкурсе SPIRE.
Працоўная мова – англійская. Абмежаванняў на ўдзел няма: запрашаюцца ўсе ахвочыя. Узяць удзел у вебінары можна па спасылцы: https://meet.lync.com/kpk.gov.pl/olga.zyrina/O65PUPOQ.
Больш падрабязная інфармацыя аб вебінары: https://www.eap-plus.eu/object/event/125
