Андрэй і Святлана могуць падацца звычайнай парай, але мала хто ведае, што на самой справе яны з’яўляюцца аднымі з найбольш уплывовых людзей у індустрыі моды ў Беларусі. Настолькі ўплывовымі, што ў іх ёсць медаль за ўнёсак у развіццё рознічнага гандлю ў Беларусі, якую ім уручыў прэзідэнт!
Андрэй і Святлана – розум і прыгажосць, дакладней, сузаснавальнікі і крэатыўныя дырэктары, якія стаяць за вядучым модным брэндам Беларусі Mark Formelle, які з’яўляецца даўнім кліентам і, можна ўжо сказаць, сябрам Еўрапейскага банка рэканструкцыі і развіцця.
Сціплы пачатак
Кампанія фактычна пачала сваю гісторыю з пары мужчынскіх майткоў. Мала хто ведае, але брэнд Mark Formelle нарадзіўся ў невялікай аптовай кампаніі. Працягваючы спадчыну сваіх бацькоў, якія доўгі час кіравалі заводам па вытворчасці ніжняй бялізны ў Віцебску, Святлана разам з мужам Андрэем адкрылі ў 2009 годзе невялікі завод па аптовай вытворчасці тыпавога бялізнавага трыкатажу.
Калі прыйшоў час думаць глабальны, пара пашырыла свой сямейны бізнес з фабрычнага цэха да паўнавартаснага брэнда і назвала яго Mark Formelle – Mark, каб пазначыць мужчынскі бок брэнда, а Formelle – жаночы. У 2010 годзе кампанія адкрыла свой першы магазін па продажы ніжняй бялізны ўласнай вытворчасці ў невялікім мястэчку Узда.
“Мы разумелі, што ў нас ёсць дзве кампетэнцыі – добры прадукт з адладжанай сістэмай вытворчасці і ўменне прадаваць нашым партнёрам”. Аднак аб’яднанне гэтых кампетэнцый і стварэнне брэнда, які быў бы ўстойлівым і вядомым па ўсёй краіне, а таксама новыя планы пашырэння запатрабавалі спецыяльных ведаў, і ў 2012 годзе Mark Formelle звярнуўся да ЕБРР за парадай па пытаннях брэндынгу і маркетынгу.
Праграма ЕБРР “Кансультацыі для малога бізнесу”, якая ажыццяўляецца пры падтрымцы Еўрапейскага саюза ў Беларусі, дапамагла Mark Formelle рэалізаваць кансультацыйны праект па пытаннях маркетынгу і развіцця брэнда.
“Гэта дапамагло нам распрацаваць стратэгію брэнда і пашырыць уласную рознічную сетку”, – кажа Святлана. Намаганні прынеслі свой плён – Mark Formelle пашырыў асартымент ад ніжняй бялізны да адзення, павысіў пазнавальнасць свайго брэнда, падвоіў экспарт і павялічыў абарот на 87%.
Рост разам з ЕБРР
Пасля яшчэ аднаго фінансаванага ЕС праекта з міжнароднымі галіновымі экспертамі, якія дапамаглі Mark Formelle ў такіх галінах, як стварэнне новых калекцый, рэклама і планаванне вытворчасці, Андрэй і Святлана ў чарговы раз звярнуліся да ЕБРР.
У 2015 годзе, пасля набыцця новых вытворчых памяшканняў для задавальнення попыту і хуткага адкрыцця новых крам, Mark Formelle запатрабаваліся дадатковыя рэсурсы для працягу іх росту. У якасці надзейнага партнёра ЕБРР даў Mark Formelle крэдыт у памеры 4 млн долараў ЗША для фінансавання пашырэння вытворчасці ў Беларусі і суседніх краінах. “Мы пагасілі крэдыт на два гады раней, чым гэта было неабходна!” – усміхаецца Андрэй.
Больш не малы бізнес
Гэта ўсё яшчэ сямейны бізнес, але ўжо не малы. З 4000 супрацоўнікамі і больш за 170 крамамі ў Беларусі, а таксама суседняй Расіі, Украіне і Казахстане, Mark Formelle хутка прасоўвае свае модныя ідэі ў масы.
Што робіць брэнд такім паспяховым?
Інавацыі, крэатыўнасць і “хайп”.
Андрэй і Святлана не баяцца эксперыментаваць. Mark Formelle заўсёды здзіўляе публіку сваімі творчымі ідэямі: ад калекцыі, прысвечанай знікаючым відам, да павышэння дасведчанасці аб трагедыі Чарнобыля і нават уніформы бортправаднікоў Belavia падчас Еўрапейскіх гульняў 2019 года. А з афіцыйным кантрактам на распрацоўку фірмовых касцюмаў беларускіх спартсменаў да будучых Алімпійскіх гульняў кампанія, безумоўна, застанецца ў поле зроку грамадскасці.
“Не бойцеся спрабаваць новыя ідэі і не бойцеся змен, – кажа Андрэй. – Свет не стаіць на месцы, і брэнды таксама”.
