Увазе Падпісантаў Пагаднення Мэраў з краін Усходняга Партнёрства! Праект «Пагадненне Мэраў - Усход» запусціў серыю тэматычных навучальных візітаў для супрацоўнікоў муніцыпалітэтаў, адказных за распрацоўку і рэалізацыю палітыкі энергаэфектыўнасці і працягнуў прыём заявак да 16 студзеня 2019.
Мэта мерапрыемстваў
Навучальныя візіты прызначаны для нарошчвання патэнцыялу гарадоў, якія знаходзяцца ў пачатку распрацоўкі Планаў дзеянняў ўстойлівага энергетычнага развіцця ў рамках рэалізацыі ініцыятывы "Пагадненне мэраў".
У межах гэтай дзейнасці плануецца, што ў выніку адкрытага конкурсу, адбяруць супрацоўнікаў муніцыпалітэтаў, адказных за распрацоўку і рэалізацыю палітыкі ў галіне энергаэфектыўнасці, каб яны змаглі наведаць прагрэсіўныя гарады-падпісанты Пагаднення, якія дасягнулі паспяховых вынікаў у галіне энергаэфектыўнасці і з'яўляюцца аднымі з лідэраў Ініцыятывы.
Удзельнікі праграмы атрымаюць магчымасць азнаёміцца з практычнай працай паспяховых калег, вывучыць існуючыя нарматыўныя дакументы, даведацца аб існуючых механізмах фінансавання энергаэфектыўных праектаў, атрымаць карысныя рэкамендацыі па распрацоўцы і рэалізацыі энергетычнай палітыкі.
Хто можа прыняць удзел?
Конкурс адкрыты для прадстаўнікоў гарадоў-падпісантаў з Арменіі, Азербайджана, Беларусі, Грузіі і Малдовы, якія прадэманструюць высокую матывацыю, адпавядаюць фармальным крытэрам адбору і будуць гатовыя ўжыць атрыманыя веды на практыцы.
Патрабаванні да кандыдатаў:
● прадстаўляць горад Падпісант Пагаднення Мэраў, які знаходзіцца на стадыі распрацоўкі Плана дзеянняў па ўстойлівым энергетычным развіцці і клімаце (ПДУЭР / ПДУЭРК) (гарады з распрацаванымі ПДУЭР / ПДУЭРК, а таксама гарады з прыпыненым удзелам у Пагадненні мэраў НЕ з'яўляюцца мэтавай групай для гэтага конкурсу);
● удзельнічаць у распрацоўцы і далейшым ўкараненні ПДУЭР / ПДУЭРК;
● быць гатовымі дзяліцца атрыманым вопытам з калегамі і прымяняць атрыманыя веды і навыкі ў паўсядзённай працы;
● прадэманстраваць высокую матывацыю для ўдзелу ў вучэбнай паездцы.
Як падаць заяўку?
Асобам, зацікаўленым ва ўдзеле ў праграме абмену, неабходна запоўніць і падаць анлайн-заяўку: https://goo.gl/forms/sAFxn2nkvOlaexMJ3
Часовыя рамкі
• Падача конкурсных анкет – да 16 студзеня 2019 года;
• Арганізацыя візітаў – люты-красавік 2019 года.
Кантакты
Калі ў вас ёсць дадатковыя пытанні, калі ласка, звяжыцеся з офісам «Пагаднення мэраў - Усход» ва Украіне па электроннай пошце: iryna.horodyska@eumayors.eu
Звярніце ўвагу, што гэта адзіны канал для атрымання афіцыйных тлумачэнняў па праграме «City2City» (паводле інфармацыі каманды Праекта ЕС "Пагадненне мэраў - Усход" у Беларусі).
Аб праектах:
Пагадненне мэраў па клімату і энергіі - гэта ініцыятыва Еўрапейскага Саюза, якая аб'ядноўвае мясцовыя, рэгіянальныя і нацыянальныя органы ўлады, якія добраахвотна ўзялі на сябе абавязацельства рэалізаваць мэты ЕС у галіне клімату і энергіі. З больш чым 7755 гарадамі-удзельнікамі з агульным насельніцтвам каля 252 мільёнаў чалавек, яна стала адной з найбуйнейшых ініцыятыў у галіне клімату і энергіі ў свеце.
Пагадненне мэраў - Усход (CoM East) – гэта праект, які фінансуецца Еўрапейскім Саюзам і накіраваны на аб'яднанне мясцовых і рэгіянальных уладаў краін Усходняга партнёрства ў рэалізацыі палітыкі ў галіне устойлівай энергетыкі, памяншэння залежнасці ад выкапнёвых відаў паліва, павышэння бяспекі энергазабеспячэння. З 368 гарадоў-падпісантаў краін Усходняга партнёрства - 48 мясцовых органаў улады ў Беларусі прынялі на сябе абавязкі скараціць выкіды вуглякіслага газу на 20% ці 30%.
Ініцыятыва EU4Energy накіравана на ўдасканаленне энергазабеспячэння, бяспекі і доступу, а таксама папулярызуе ідэі энергаэфектыўнасці і выкарыстання аднаўляльных крыніц энергіі ў краінах Усходняга партнёрства. Гэта дасягаецца шляхам фінансавання праектаў і праграм, якія спрыяюць рэфармаванню энергетычнага рынку для скарачэння залежнасці ад крыніц энергіі і яе спажывання на нацыянальным узроўні. У доўгатэрміновай перспектыве энергазабеспячэнне становіцца больш даступным, надзейным і празрыстым. Такім чынам, скарачаецца дэфіцыт энергарэсурсаў і памяншаецца кошт энергіі для грамадзян і прыватнага сектара.
