image2 15.10.2019

Ініцыятыва Еўрапейскага саюза EU4Digital падтрымлівае праграму лічбавых рэформаў у Беларусі

Гарманізацыя лічбавых рынкаў з’яўляецца адным з ключавых прыкладаў палітыкі ЕС па дасягненні адчувальных вынікаў для грамадзян ва Усходнім партнёрстве. Падтрымка ЕС ажыццяўляецца праз ініцыятыву EU4Digital, якая аб’ядноўвае прыярытэтныя дзеянні і праграмы ў гэтай галіне.

Каб падтрымаць праграму лічбавых рэформаў у Беларусі ініцыятывай EU4Digital прапанаваны шэраг мер па развіцці ключавых сфер лічбавай эканомікі і грамадства ў адпаведнасці з нормамі і практыкай ЕС, каб забяспечыць эканамічны рост, стварыць новыя працоўныя месцы, палепшыць узровень жыцця насельніцтва і дапамагчы бізнесу.

Гарманізацыя лічбавых рынкаў у Беларусі прывядзе да ўзмацнення канкурэнцыі, што зробіць анлайн-паслугі больш якаснымі, даступнымі і разнастайнымі. Гэта дазволіць прыцягнуць інвестыцыі, стымуляваць гандаль і занятасць насельніцтва, спрыяючы сацыяльна-эканамічнаму развіццю краіны.

Праз EU4Digital ЕС падтрымлівае ў краінах Усходняга партнёрства дзейнасць па зніжэнні тарыфаў на роўмінг, развіцці высакахуткаснай шырокапалоснай сувязі для стымулявання эканомікі і пашырэння сферы электронных паслуг, гарманізацыі лічбавага рэгулявання ў розных сферах дзейнасці: ад лагістыкі да аховы здароўя, будавання кібербяспекі, развіцця навыкаў і стварэння новых працоўных месцаў у лічбавай індустрыі.

Сярод мэт ініцыятывы — пабудова агульнай роўмінгавай прасторы паміж краінамі Усходняга партнёрства да 2020 года, што азначае меншыя рахункі за тэлефон для беларусаў, якія вандруюць у межах рэгіёну. Яшчэ адна мэта — канкрэтная падтрымка развіцця лічбавых навыкаў у адпаведнасці з патрабаваннямі новых сектараў эканомікі і стварэнне спрыяльных умоў для інавацый і стартапаў. Падтрымка трансмежнага электроннага гандлю дазволіць спрасціць экспартныя працэдуры, скараціць час праходжання мяжы, павысіць бяспеку і празрыстасць аперацый, стымуляваць лічбавую эканоміку Беларусі, а таксама пашырыць спектр і якасць паслуг, якія прадстаўляюцца спажыўцам. Што тычыцца электроннай аховы здароўя, то беларускія медыцынскія работнікі і, у канчатковым рахунку, пацыенты атрымаюць карысць ад распрацоўкі ў супрацоўніцтве з дзяржаўнымі органамі кіруючых прынцыпаў і агульных стандартаў у галіне электроннай аховы здароўя, абмену дадзенымі і медыцынскімі карткамі.

Больш інфармацыі на сайце ініцыятывы EU4Digital.

Фота: https://eufordigital.eu/