5 тысяч кіламетраў, каб даведацца пра роварны рух у Беларусі. Пад Валожынам прайшоў другі міжнародны Велазлёт.
19-20 жніўня на хутары Шаблі прайшло велізарнае роварнае – Велазлёт. Чым арганізатары здзіўлялі гасцей і чаму беларускі фестываль цікавы замежнікам?
Выстава пра велавандроўкі
Выстаўка «З роварам па жыцці», дзе былі паказаныпрацы беларускіх падарожнікаў Глеба Менскага і Вольгі Ішынай, нагадала нам пра каштоўнасць раздрукаванага фотаздымку. Тут не трэба лішніх апісанняў – дзеля гэтых пейзажаў варта ехаць у Нарвегію, Літву, Германію ... Браць свой любімы ровар і ехаць.
Першы веласіпедны Speed Dating
У многіх удзельнікаў з'явіліся ўзаемныя сімпатыі і калі не роварных сямей, то, прынамсі, велапрагулак стане больш.
«Экстрэмальная» канструкцыя
Пляцоўка для дэманстрацыі экстрэмальных відаў веласіпеднага спорту рэдкасць не тое што для Валожынскага раёна, але і для Беларусі. Веласпартсмены з Zelenoffkі знайшлі спосаб і сродкі каб збудаваць гэтую канструкцыю і прадэманстраваць магчымасці чалавека і ровара.
Замежныя госці
Пакуль шмат хто хваляваўся і абмяркоўваў, што ад Мінска да хутара Шаблі амаль 100 км, нашы сябры-велаактывісты з Краснаярска, Растова, Рыгі, Масквы, Кіева, Івана-Франкоўска пакавалі спальнікі і шукалі кампанію, каго б прыхапіць з сабой на Велазлёт ў Беларусь. Некаторыя ўдзельнікі мерапрыемства праехалі пад 5000 тысяч кіламетраў, каб сустрэць сяброў-актывістаў з нашай краіны. Вось яна адноснасць адлегласцяў ...
Больш за 60 валанцёраў
Хлопцы і дзяўчаты, якія добраахвотна, без аплаты дапамагалі не толькі падчас самога мерапрыемства, але і да яго. Правядзенне конкурсаў, падрыхтоўка хутара, распілоўка дроў, асістэнцкая дапамога арганізатарам, перавозка ўсёй «правізіі» на асабістых аўтамабілях у свой вольны час, правядзенне экскурсій і сустрэча замежных і іншагародніх гасцей...
Музычнае шоў
На гэты раз Велазлёт падтрымалі цэлых пяць музычных калектываў. Яны выклаліся на поўную катушку і адыгралі так, што многія яшчэ доўга не спалі і казалі, што даўно так не танчылі. Музычныя ўдзельнікі фестывалю: Кавер бэнд «Манхэтэн», рок-гурт FIBI, «Дуэт Раз» з акустычнай праграмай «Галоўнае ні пра што», Тарас Апарык і група «Планета Усіх», псіхадэлічны блюз і рок з Мінска SDL.
Вялі канцэртную і адукацыйную праграму дырэктар Мінскага роварнага таварыства Анастасіі Янчэўская і радыёвядучы Мікіта Найдзёнаў.
Першы Велалагер
Пакуль большасць гасцей ўспрынялі Велазлёт-2017 як проста адпачынак, велаактывісты з Гродна, Гомеля, Салігорска, Магілёва, Брэста і іншых гарадоў Беларусі амаль 3 дні слухалі лекцыі і ўдзельнічалі ў майстар-класах аб тым, як рабіць нашыя гарады больш веласіпеднымі.
Арганізатары «Велазлёта-2017» – Мінскае веласіпеднае таварыства і праект «Веладыска». Партнёры мерапрыемствы: крама «Велагалерэя», сямейны фестываль Trolley, супольнасць "GameIn", крама «Стыхія», Трэйл-парк Zelenoffka і Федэрацыя прыгодніцкіх гонак.
Мерапрыемства праведзена ў рамках праекта «Гарадскi веларух у Беларусі». Мэта праекта спрыяць развіццю гарадскога роварнага руху ў Беларусі дзякуючы паляпшэнням заканадаўчых, нарматыўных актаў для роварнай інфраструктуры на нацыянальным і рэгіянальным узроўні; павышэнне эфектыўнасці арганізацый у галіне прасоўвання і развіцця роварнай транспартнай сістэмы; забеспячэння актыўнага ўдзелу мясцовых жыхароў у прыцягненні ўвагі гарадскіх уладаў да правоў і магчымасцяў раварыстаў. Праэкт будзе рэалізаваны ў Беларусі ў 2017-2019 гадах Цэнтрам экалагічных рашэнняў і Мінскім роварным таварыствам пры фінансавай падтрымцы Еўрапейскага звяза.
Фота Ганны Валынец
Тэкст Таццяны Жарнасек
