У Мінску ўсталявалі роварны лічыльнік з электронным табло

На праспекце Незалежнасці ў Мінску (насупраць будынка па пр. Незалежнасці, 43) усталявалі электронны лічыльнік раварыстаў з вялікім табло. Лічыльнік паказвае інфармацыю, колькі раварыстаў праехала міма яго з пачатку сутак і з пачатку года. Прыбор пакуль працуе ў тэставым рэжыме.

‒ Многім яшчэ здаецца, што раварыстаў мала ў горадзе, але калі паглядзець на лічбы, то мы ўпэўненыя, што дадзеныя велалічыльніка пераканаюць нават скептыкаў, ‒ упэўнены старшыня праўлення Мінскага роварнага таварыства Павел Гарбуноў.

Інфармацыя, якую збірае велалічыльнік, будзе карысная для транспартных экспертаў: яна дазволіць ацаніць інтэнсіўнасць росту роварнага руху, найбольш загружаныя гадзіны, хуткасць руху.

З часам у велалічыльніка з'явіцца і свая старонка на сайце, дзе ўсю інфармацыю зможа праглядзець на графіках і ў таблічным выглядзе любы ахвочы.

Корпус велалічыльніка пакрыты сонечнымі панэлямі, што дазваляе яму працаваць у максімальна экалагічна дружалюбным рэжыме і не патрабаваць для сваёй працы вонкавага харчавання. Велалічыльнік лічыць не толькі раварыстаў, але і электрасамакатчыкаў. Цяпер ён знаходзіцца ў адладкавым рэжыме.

Для ўсталявання велалічыльніка наўмысна абраны праспект Незалежнасці - адзін з самых загружаных і цэнтральных участкаў горада.

Прыбор усталяваны пры фінансавай падтрымцы Еўрасаюза ў рамках праекта «Гарадскі роварны рух у Беларусі». Праект рэалізуе Мінскае роварнае таварыства і Цэнтр экалагічных рашэнняў.