Фінансаваная ЕС праграма EU4Youth абвясціла конкурс праектаў на атрыманне грантаў на дзейнасць, накіраваную на развіццё лічбавых навыкаў моладзі, развіццё навыкаў пераходу да “зялёных” тэхналогіяў і ўдасканаленне навыкаў прадпрымальніцкай дзейнасці і кіравання кар’ерай з акцэнтам на моладзь, якая знаходзіцца ў неспрыяльных варунках.
Конкурс падзелены на два лоты:
1) Павышэнне ўзроўню лічбавых кампетэнцыяў моладзі, якая знаходзіцца ў неспрыяльных варунках, заахвочванне прадпрымальніцтва і падтрымка адпаведных сетак і партнёрстваў. Грантавая заяўка павінна быць ад 250 000 да 300 000 еўра.
2) Развіццё сярод моладзі навыкаў сацыяльнага прадпрымальніцтва і кіравання сваёй кар’ерай з акцэнтам на зялёную і лічбавую эканоміку і падтрымку адпаведных сетак і партнёрстваў. Грантавая заяўка павінна быць ад 800 000 да 1 000 000 еўра.
Праекты павінны быць пададзеныя групай з мінімум трох і максімум шасці арганізацыяў: адзін асноўны заяўнік + мінімум два су-заяўнікі з мінімум дзвюх краінаў Усходняга партнёрства (напрыклад, асноўны заяўнік з Грузіі + су-заяўнік з Арменіі + су-заяўнік з ЕС; або асноўны заяўнік з Украіны + су-заяўнік з Азербайджану + су-заяўнік з Украіны).
Любая прапанаваная дзейнасць павінна быць рэалізаванай прынамсі ў дзвух краінах Усходняга партнёрства.
Апошні тэрмін падачы заявак – 14 чэрвеня.
Даведацца больш: Прэс-рэліз і Дапаможнік для заяўнікаў
Наступныя падзеі і тэрміны:
Інфармацыйная анлайн-сесія аб конкурсе - 10 мая 2022 г. з 11:00 да 14:00 па ўсходнееўрапейскім часе (UTC+2). Папярэдняя рэгістрацыя вітаецца.
Магчымасць задаць пытанні для ўдакладнення - не пазней, чым за 21 дзень да крайняга тэрміну падачы заявак.
Апошняя магчымасць задаць пытанні для ўдакладнення - не пазней, чым за 11 дзён да крайняга тэрміну падачы заявак.
Апошні тэрмін падачы заявак – 14 чэрвеня 2022 г., 23:59 па ўсходнееўрапейскім часе (UTC+2).