Сумеснымі намаганнямі можна згарнуць горы. І станцыя тэхабслугоўвання «Максаўта» у г. Маладзечна фактычна зрабіла гэта, не толькі палепшыўшы якасць працы на СТО, але і прынёсшы карысць жыхарам горада.
Дапамаглі гэта зрабіць грамадскае аб'яднанне «ЗОВiК» і праект «Падтрымка эканамічнага развіцця на мясцовым узроўні ў Рэспубліцы Беларусь», які фінансуе Еўрапейскі саюз у рамках ініцыятывы EU4Business і рэалізуе ПРААН сумесна з Мінэканомікі Беларусі.
«Нам аўтамабіль на рамонт, вам — ровар: палепшым экалогію, умацуем здароўе!»
Грамадскае аб'яднанне «ЗОВiК» — не пачатковец у рэалізацыі экалагічных праектаў у Беларусі, таму арганізатары самі знайшлі партнёра для ўдзелу ў конкурсе ініцыятыў па развіцці прадпрымальніцтва. Ім стала станцыя тэхабслугоўвання «Максаўта» ў горадзе Маладзечна, уладальнікі якой хацелі не толькі пашырыць бізнес, але і зрабіць што-небудзь карыснае для жыхароў горада. У СТА было шмат выгадных адрозненняў: свой сайт з дастаўкай і адзін з найбуйнейшых у горадзе магазінаў аўтатавараў, а таксама камфортная зона чакання з бясплатным wi-fi, дзе кліент можа назіраць у рэжыме анлайн за рамонтам машыны.
«Папярэдне мы праводзілі апытанні сярод розных слаёў насельніцтва і даведваліся, ці будуць нашыя ідэі цікавых жыхарам горада. Шмат каму было цікава», — кажа кіраўнік праекта «Нам аўтамабіль на рамонт, вам — ровар: палепшым экалогію, умацуем здароўе!» Анастасія Леановіч.
Для рэалізацыі ініцыятывы Еўрапейскі саюз даў 40 тысяч долараў фінансавай падтрымкі, яшчэ каля 28 тысяч выдаткаваў ў якасці сумеснага фінансавання ўласнік станцыі. Першая частка грошай пайшла на закупку новага абсталявання ў дадатак да таго, што ўжо было. У гэты час ініцыятыва прапанавала спосаб забіць двух зайцоў адразу: дапамагчы аўтаўладальніку, які аддаў аўто на станцыю тэхабслугоўвання, пасябраваць са здаровым ладам жыцця і не пакінуць яго без «жалезнага каня».
«Каб чалавек, які пакідае на рамонт свой аўтамабіль, не карыстаўся паслугамі таксі або машынай сябра, мы прыдумалі даваць яму бясплатна ровар на пракат. Тым самым ён ўмацуе сваё здароўе і не зробіць шкоды экалогіі, — кажа Анастасiя. — Таксама мы спадзяемся, што людзі, якія рэдка выкарыстоўвалі ровар, пасля гэтага часцей будуць перасоўвацца на ім».
На дадзены момант ужо гатовая веластаянка з роварамі.
У дапамогу будучым аўтамеханікам
Таксама на СТА будуць праводзіць незвычайную праграму — «Тата можа, а што не зможа — мы дапаможам». Для гэтага ў пэўныя дні бацькі з сынамі змогуць прыязджаць на СТА, дзе супрацоўнік станцыі тэхабслугоўвання правядзе лекцыю аб рабоце аўтамабіля і прычынах яго паломкі і нават дасць самастойна разабрацца з дробнымі непаладкамі. А ў мамы нарэшце з'явіцца вольны час на сябе.
«Мы хочам крыху разгрузіць мам, якія традыцыйна большую частку часу праводзяць з дзецьмі. Пакуль тата і дзіця будуць занятыя на СТА, у мамы з'явіцца больш часу на адпачынак, самаразвіццё і арганізацыю вольнага часу», — тлумачыць Анастасiя.
Акрамя таго, на СТО змогуць прайсці навучанне тыя, каму цікавыя аўтамабілі. У рамках аднаго з мерапрыемстваў ініцыятывы «Прафесійная арыентацыя» СТА пачне супрацоўнічаць са школьнікамі і студэнтамі мясцовай установы адукацыі — Бярэзінскага аграрна-тэхнічнага прафесійнага ліцэя. У выніку першыя змогуць зрабіць больш усвядомлены выбар пры выбары прафесіі, а другія атрымаюць неабходную для будучай прафесіі практыку.
«У канцы красавіка і ў траўні навучэнцы ліцэя змогуць прыехаць на майстар-класы і трэнінгі, якія арганізуюць на тэрыторыі СТО, — распавядае прадстаўнік «ЗОВiК». — Калі яны добра сябе зарэкамендуюць, у іх будзе магчымасць прайсці практыку і стажыроўку. Гэта будзе вялікім плюсам пры далейшым ўладкаванні на працу, таму што многія СТА шукаюць людзей ужо з вопытам работы, які складана атрымаць адразу пасля вучобы».
І гэта яшчэ не ўсё. У рамках ініцыятывы станцыя тэхабслугоўвання створыць 15 новых працоўных месцаў. Сярод іх два працоўныя месцы для людзей, якія ў невялікім горадзе не змаглі знайсці сабе працу, нягледзячы на жаданне — для чалавека з інваліднасцю і былога зняволенага.
Крыніца: EU4Business
