Твінінг-праект «Умацаванне патэнцыялу для кіравання геапрасторавымі дадзенымі і забеспячэння іх функцыянальнай сумяшчальнасці Нацыянальным кадастравых агенцтвам» фінансуецца Еўрапейскім саюзам і накіраваны на ўмацаванне патэнцыялу НКА ў галіне кіравання геапрасторавымі дадзенымі і забеспячэння аператыўнай сумяшчальнасці прасторавых дадзеных, што будзе садзейнічаць далейшаму ўмацаванню патэнцыялу НКА ў галіне рацыянальнага і эфектыўнага кіравання прасторавымі дадзенымі ў адпаведнасці з прынцыпамі аператыўнай сумяшчальнасці.
У мерапрыемстве ўзялі ўдзел прадстаўнікі больш як дваццаці дзяржаўных арганізацый. Як было адзначана ўдзельнікамі цырымоніі, ідэя ўмацавання супрацоўніцтва паміж зацікаўленымі бакамі ў галіне геапрасторавых дадзеных Беларусі мае вырашальнае значэнне для паўнавартаснага развіцця нацыянальнай інфраструктуры прасторавых дадзеных (ІПД).
Мерапрыемства адкрыў Старшыня Дзяржаўнага камітэта па маёмасці Рэспублікі Беларусь (ДКП) Андрэй Гаеў, які падкрэсліў, што Нацыянальнае кадастравае агенцтва (НКА) з'яўляецца другім па ліку дзяржаўным органам у Беларусі пасля Нацыянальнага банка, уключаным у твінінг-праграму Еўрасаюза.
«Дзяржкаммаёмасці надае асаблівую ўвага стварэнню і развіццю лічбавых аўтаматызаваных інфармацыйных сістэм назапашвання, абмену і прадстаўленню дадзеных аб зямельных рэсурсах Рэспублікі Беларусь, яе адміністрацыйна-тэрытарыяльным уладкаванні, дзяржаўнай рэгістрацыі правоў на нерухомую маёмасць, якія могуць зрабіць дастойны ўнёсак у дасягненне мэтаў устойлівага развіцця Рэспублікі Беларусь», – заявіў Андрэй Гаеў.
Часовая павераная ў справах Прадстаўніцтва ЕС у Беларусі Эвеліна Шульц адзначыла: «Мы верым, што запушчаны сёння новы твінінг-праект прыўнясе найлепшыя еўрапейскія практыкі і стандарты ў Нацыянальнае кадастравае агенцтва і ўмацуе патэнцыял Агенцтва па выкананні яго ключавых функцый. Паспяховая рэалізацыя праекта будзе спрыяць больш глыбокай лічбавай трансфармацыі краіны, а таксама спрашчэнню і паскарэнню здзелак паміж удзельнікамі эканамічнай дзейнасці, што будзе спрыяць далейшаму эканамічнаму росту і павышэнню дабрабыту насельніцтва».
Фернанда дэ Арагон, генеральны дырэктар Іспанскага кадастру, павітаў удзельнікаў і адзначыў, што праект супрацоўніцтва з НКА мае вялікае значэнне для кадастру Іспаніі: «З боку Генеральнага дырэктарата кадастру мы вельмі зацікаўлены ў працы і выніках, якія будуць дасягнуты на працягу ўсяго праекта. Я спадзяюся, што наш вопыт у кіраванні кадастравымі сэрвісамі можа паслужыць прыкладам для НКА». Ён таксама заўважыў, што Кадастр Іспаніі з'яўляецца старшынёй Пастаяннага камітэта Ібера-амерыканскіх кадастраў, а таксама членам Пастаяннага камітэта кадастраў Еўрасаюза.
На завяршэнне першай часткі афіцыйнай цырымоніі Генеральны дырэктар НКА і кіраўнік праекта ад Беларусі Андрэй Філіпенка падкрэсліў важнасць гэтага праекта, які дапаможа НКА лепш сфармаваць сваю стратэгію прадстаўлення паслуг на найбліжэйшыя гады.
Андрэй Філіпенка таксама адзначыў: «Для Нацыянальнага кадастравага агенцтва найцікавейшы вопыт і вялікая адказнасць ўдзел у другім твінінг-праекце ў Беларусі. Праект з'яўляецца новым прагрэсіўным крокам на шляху стварэння і развіцця інфармацыйных рэсурсаў зямельнага кадастру, якія змяшчаюць геапрасторавую інфармацыю зямельнага кадастру. Усе чатыры кампаненты твінінг-праекта вельмі важныя тут і цяпер у штодзённай працы Агенцтва па напрамках развіцця рэгістрацыі нерухомасці і правоў на яе, па развіцці адраснай сістэмы, збору характарыстык нерухомасці і яе ацэнцы».
У другой частцы цырымоніі дакладчыкі падрабязна расказалі пра структуру і дэталі праекта. У прыватнасці, кіраўнік праекта Фернанда Серана адзначыў агульныя кропкі кадастравых устаноў, якія ўдзельнічаюць у праекце, і тое, як НКА, з’яўляючыся адпаведным агентам ў будучай нацыянальнай ІПД Беларусі, можа атрымаць урокі з поспехаў і памылак, дапушчаных раней арганізацыямі-калегамі з краін ЕС. Ён таксама адзначыў, што «іспанскім кадастрам назапашаны значны вопыт распрацоўкі і публікацыі сэрвісаў на аснове Дырэктывы ЕС INSPIRE».
У той жа час Хайка ван дэр Вегтэ, кіраўнік твінінг-праекта ад Нідэрландаў і старэйшы менеджар праектаў галандскага кадастру, падкрэсліў, што абраны кадастрам Нідэрландаў шлях па супрацоўніцтве і развіцці нацыянальнай ІПД можа разглядацца ў якасці мадэлі для пераймання ў многіх аспектах.
У сваю чаргу, Сансолес Марыс Альварэс, Дырэктар па эканамічным развіцці і кан'юнктуры Міжнароднага і ібера-амерыканскага фонду дзяржаўнага кіравання і палітыкі (FIIAPP), адзначыла вялікі вопыт іспанскай грамадскай арганізацыі ў рэалізацыі і кіраванні праектамі міжнароднага супрацоўніцтва, у прыватнасці твінінг-праектамі.
Пастаянны дарадца твінінг-праекта (RTA) ад Беларусі Марына Літрэева прадставіла падрабязны агляд усіх мерапрыемстваў, запланаваных у рамках праекта, падкрэсліўшы ўдзел беларускіх экспертаў.
На заключэнне Пастаянны дарадца твінінг-праекта Хесус Артэга прадставіў асноўныя ідэі праекта і паказчыкі, устаноўленыя ЕС для ацэнкі паспяховасці праекта пасля яго завяршэння.
Дадзены твінінг-праект з агульным бюджэтам 1,05 млн. еўра будзе ажыццяўляцца ў перыяд з красавіка 2019 года па сакавік 2021 года. Агулам у рамках праекта адбудзецца больш за 50 місій, у якіх возьмуць удзел больш за 40 экспертаў ЕС.
