Ухваленыя новыя праекты ў рамках праграмы трансгранічнага супрацоўніцтва “Польшча–Беларусь–Украіна”

17 красавіка 2019 года ў ходзе праведзенай сустрэчы ў Нясвіжы (Беларусь) Сумесным маніторынгавым камітэтам (СМК) ухваленыя вынікі 2-га конкурснага набору праектаў. Дадзены конкурс быў прысвечаны мікрапраектам і праводзіўся ў рамках тэматычнай мэты “Спадчына”.

СМК прынятае рашэнне аб суфінансаванні 74 праектаў з 250 пададзеных заявачных формаў. Спіс выбраных праектаў даступны для спампоўвання тут. Агульная сума сродкаў, якія будуць вылучаныя на суфінансаванне, складае 4,14 млн. еўра.

Паколькі не ўсе прадугледжаныя для другога набору сродкаў (5,2 млн. еўра) былі выкарыстаныя, у дачыненні да рэшткі сродкаў (1 054 015,79 еўра) СМК прынятае рашэнне аб запуску трэцяга конкурсу праектаў. Дадзены конкурс будзе запушчаны ў 4-м квартале 2019 года і будзе таксама прысвечаны мікрапраектам па тэматычнай мэце “Спадчына”.

У ходзе правядзення пасяджэння СМК былі таксама абмеркаваныя бягучыя пытанні ў дачыненні да рэалізацыі буйных інфраструктурных і рэгулярных праектаў. У дачыненні да неактыўных праектаў прынятае рашэнне аб тым, што СТС праінфармуе СМК аб выніках іх рэалізацыі і, пры неабходнасці, прапануе крайні тэрмін падачы патрабаваных дакументаў або дату пачатку мерапрыемстваў. Усе бенефіцыяры праектаў павінны праінфармаваць СТС аб сродках, зэканомленых у рамках праектаў.

СМК таксама прынятае рашэнне аб пераносе сродкаў у памеры 176 881,55 еўра з бюджэту тэхнічнай дапамогі Праграмы ў бюджэт тэматычнай мэты “Бяспека” з мэтай прафінансаваць праекты з рэзервовага спісу.

У ходзе пасяджэння абмеркаваныя планы інфармацыйнай дзейнасці і мерапрыемстваў па папулярызацыі Праграмы, а таксама пытанні праграмавання яе новай перспектывы на 2021-2027 гады.