Конкурс па атрыманне падтрымкі па стварэнні клубаў экалагічнага маніторынгу на базе «зялёных школ» праводзіцца сярод устаноў адукацыі ў рамках праекта «Далучэнне грамадскасці ў экалагічны маніторынг і паляпшэнне кіравання аховай навакольнага асяроддзя на мясцовым узроўні».
Праект фінансуецца Еўрапейскім саюзам і рэалізуецца Праграмай развіцця ААН у Беларусі ў партнёрстве з Міністэрствам прыродных рэсурсаў і аховы навакольнага асяроддзя Рэспублікі Беларусь. Праект накіраваны на эфектыўнае і інклюзіўнае кіраванне навакольным асяроддзем на мясцовым узроўні, маніторынг экалагічных рызык, абмен экалагічнай інфармацыяй, у прыватнасці, у галіне якасці атмасфернага паветра. Азнаёміцца з Дакументам Праекта можна па спасылцы: http://un.by/images/news/2018/Prodoc_Green_Schools.pdf.
Клубы экалагічнага маніторынгу на базе «зялёных школ» будуць садзейнічаць павышэнню даступнасці экалагічнай інфармацыі для насельніцтва, ўключэнню грамадскасці ў экалагічны маніторынг, прыцягненню насельніцтва да вырашэння экалагічных праблем рэгіёну, а таксама будуць забяспечваць узаемадзеянне ўстаноў адукацыі, органаў мясцовай улады, грамадскіх арганізацый, якія ажыццяўляюць дзейнасць у галіне аховы навакольнага асяроддзя і рацыянальнага выкарыстання прыродных рэсурсаў.
У рамках конкурсу плануецца выбраць сем пераможцаў – ўстаноў адукацыі, у якіх будуць створаны клубы экалагічнага маніторынгу на базе «зялёных школ» (па адным клубу экалагічнага маніторынгу на базе «зялёных школ» ў кожнай вобласці Беларусі, а таксама адзін клуб у г. Мінску). Клубы экалагічнага маніторынгу на базе «зялёных школ» будуць працаваць ва ўзаемадзеянні з Белгідраметам, рэгіянальнымі дапаможнымі рэсурснымі цэнтрамі па «зялёным школам», рэспубліканскімі рэсурснымі цэнтрамі па «зялёным школам».
Заяўкі прымаюцца з 15 кастрычніка па 10 лістапада 2018 г.
Палажэнне аб Конкурсе і форму заяўкі можна спампаваць тут: https://drive.google.com/file/d/1IboN1M-yqtzJajNe1SZnxKrvcHpE1zen/view?usp=sharing
