Вучыцца, каб дзейнічаць

Пра праект:

Апісанне

Для многіх беларусаў працэс адукацыі завяршаецца разам са сканчэннем каледжа або ўніверсітэта. Аднак ва ўсім свеце сёння набірае папулярнасць дадатковая адукацыя і навучанне на працягу ўсяго жыцця. Пасля таго як у 2011 годзе ў Беларусі ўступіў у сілу адукацыйны кодэкс, тэрмін “дадатковая адукацыя дарослых” стаў разумецца шырэй – сёння пад ім маецца на ўвазе не толькі павышэнне кваліфікацыі, але і любое арганізаванае навучанне, у тым ліку – нефармальнае.

Мэты і задачы: Праект “Вучыцца, каб дзейнічаць” распрацаваны ў рамках тэматычнай праграмы Еўрасаюза “Еўрапейскі інструмент суседства” і дапамагае беларусам рэалізаваць сваё права на адукацыю на працягу ўсяго жыцця. Яго мэта – пашырыць магчымасці дадатковай адукацыі за кошт развіцця рэсурсаў грамадскіх аб’яднанняў і мясцовых ініцыятыў у рэгіёнах, стварэння сеткі недзяржаўных арганізацый і іх узаемадзеяння з мясцовымі органамі ўлады.

Прамежкавыя вынікі: У рамках праекта трэнеры-кансультанты ў сферы адукацыі дарослых з усіх рэгіёнаў Беларусі пройдуць навучанне ў “Школе адукатараў”. “Школа менеджараў” прадугледжвае цыкл семінараў для прадстаўнікоў грамадскіх арганізацый, якія працуюць у сферы нефармальнай і грамадзянскай адукацыі. У “Школе для пачаткоўцаў” могуць прайсці навучанне прадстаўнікі мясцовых ініцыятыў.

Улетку 2016 года ў Гомелі, Віцебску і Гродне адкрыюцца рэсурсные цэнтры дадатковай адукацыі. На іх базе будуць праводзіцца сустрэчы актывістаў грамадскіх аб’яднанняў, кансультацыі для мясцовых устаноў сферы дадатковай адукацыі і грамадзянскіх ініцыятыў, рэалізоўвацца адукацыйныя праграмы для ўразлівых груп насельніцтва.

У другой палове 2017 года для найлепшых выпускнікоў “Школы адукатараў” будзе арганізавана стажыроўка ў Народным універсітэце горада Кам (Германія). Удзельнікі праграмы змогуць атрымаць досвед трэнерскай працы, пазнаёміцца з еўрапейскімі і міжнароднымі практыкамі і тэндэнцыямі ў сферы нефармальнай адукацыі.

Праводзіцца падрыхтоўка да VI Фестывалю нефармальнай адукацыі, які адбудзецца 7–9 ліпеня 2016 года ў Мінску. Мяркуецца, што форум збярэ больш за 200 удзельнікаў – вядучых беларускіх і замежных спецыялістаў у сферы нефармальнай і дадатковай адукацыі. У рамках фестывалю плануецца абвясціць аб стварэнні грамадскай рады, у якую ўвойдуць прадстаўнікі сферы дадатковай і нефармальнай адукацыі дарослых. Рада будзе аказваць кансультацыйныя паслугі і зоймецца распрацоўкай кірункаў дзейнасці ў дадзенай сферы.

Кантакты:

Беціна Бранд, менеджар праекта

+ 49 228 9756962, brand@dvv-international.de

Іна Краўчонак, менеджар праекта на тэрыторыі Рэспублікі Беларусь

+375 17 207 98 35, +375 29 171 93 97, kravchonok@dvv-international.by

Спасылка ў інтэрнэце: 

http://www.dvv-international.org.ua/be/belarus/praekty/2017/praekt-vuchycca-kab-dzeinichac/

Дакументы:

 Асноўныя кампаненты праекта (схема)