Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь (БЕЛМЕД)

Пра праект:

Тэрмін: 20.11.2015 – 19.11.2019

Бюджэт: 4 100 000 €, унёсак ЕС – 3 800 000 €

Арганізацыя-выканаўца: Праграма развіцця ААН, Сусветная арганізацыя аховы здароўя (СААЗ), Дзіцячы Фонд ААН (ЮНІСЕФ), Фонд ААН у галіне народанасельніцтва (ЮНФПА)

Нацыянальны партнёр: Міністэрства аховы здароўя Рэспублікі Беларусь

Апісанне

Амаль 90% усіх смерцяў у Беларусі звязаныя з неінфекцыйнымі захворваннямі (НІЗ): 63% прыпадае на сардэчна-сасудзістыя, 14% – на анкалагічныя. Іх развіццю спрыяюць шкодныя звычкі, няправільнае харчаванне і маларухомы лад жыцця. Паменшыць цяжар небяспечных хвароб магчыма за кошт зніжэння фактараў рызыкі, звязаных з НІЗ.

Мэты і задачы: Спрыянне прафілактыцы неінфекцыйных захворванняў і ўмацаванню сістэмы аховы здароўя, а таксама прасоўванне здаровага ладу жыцця. Асаблівая ўвага будзе нададзеная пытанням аховы мацярынства і дзяцінства, прафілактыцы захворванняў дзяцей і дзіцячага траўматызму.

Чаканыя вынікі: Распрацоўка нацыянальнай інфармацыйнай стратэгіі прасоўвання здаровага ладу жыцця і прафілактыкі неінфекцыйных захворванняў. Запланавана даследаванне фактараў рызыкі неінфекцыйных захворванняў, заснаванае на метадалогіі STEPS Сусветнай арганізацыі аховы здароўя.

Прасоўванню здаровага ладу жыцця і прафілактыцы НІЗ дапаможа правядзенне конкурсу ініцыятыў сярод мясцовых органаў улады і некамерцыйных арганізацый. Па іх выніках плануецца рэалізаваць не менш за 20 праектаў ва ўсіх абласцях Беларусі.

Вялікая ўвага ў рамках праекта будзе нададзеная здароўю маладога пакалення. Плануецца падрыхтоўка медыцынскіх кадраў для кансультацый па здаровым ладзе жыцця сярод падлеткаў, якія знаходзяцца ў групе рызыкі. Ва ўсіх абласцях Беларусі адкрыюцца медыцынскія цэнтры, прыязныя да падлеткаў, асаблівая ўвага будзе нададзеная рэгіёнам, якія пацярпелі ад аварыі на Чарнобыльскай атамнай электрастанцыі. Плануецца таксама адкрыць інфармацыйна-метадычны маніторынгавы цэнтр здароўя дзяцей і падлеткаў.

Кантакты:

Алег Дубовік, менеджар праекта

+375 29 691 51 44, oleg.dubovik@undp.org

Сайт праекта:

http://www.by.undp.org/content/belarus/ru/home/operations/projects/hiv_aids/_-_-_--_-_-_--2004-2015-...