Развіццё сацыяльнага прадпрымальніцтва

Пра праект:

Тэрміны: 01.02.2016 − 31.07.2019

Бюджэт: 798.919,20 €

Арганізацыя-выканаўца: ОДБ Брусель (Бельгія), TNU Network University (Нідэрланды) і Беларускае маладзёжнае аб’яднанне “Новыя твары”

Геаграфія: Беларусь

Апісанне

Сацыяльнае прадпрымальніцтва заклікана вырашаць ці змякчаць актуальныя праблемы грамадства на ўмовах самаакупнасці. Сёння гэтая з’ява набірае абароты ва ўсім свеце. Праект прадугледжвае развіццё сацыяльнага прадпрымальніцтва ў Беларусі. Яго ўдзельнікі маюць унікальную магчымасць атрымаць якасную міжнародную адукацыю ў сферы сацыяльна арыентаванага бізнесу.

Мэты і задачы: Стварыць пакет рускамоўных праграм па навучанні сацыяльнаму прадпрымальніцтву з выкарыстаннем інавацыйнага міжнароднага досведу, а таксама досведу прадстаўнікоў беларускай дыяспары, якія сталі паспяховымі прадпрымальнікамі ў краінах Еўрасаюза, Усходняга партнёрства, Расіі і ЗША.

Прамежкавыя вынікі: Спецыяльна для Беларусі распрацавана дзевяцімесячная праграма навучання Biz4all. Беларускія і замежныя ментары дапамагаюць удзельнікам праекта развіць ідэю сацыяльнага бізнесу, вырабіць прататып канкрэтнага прадукту або паслугі, пратэставаць іх з дапамогай першых кліентаў і знайсці стартавы капітал.

Навучанне прайшлі ўжо 100 чалавек. Іх бізнес накіраваны на рашэнне праблем людзей з інваліднасцю, выкідаў CO2, захаванне традыцый, інтэграцыю дзяцей з аўтызмам, рэабілітацыю людзей з псіхічнымі парушэннямі і жанчын, якія апынуліся ў складаных сітуацыях, маніторынг здароўя пажылых людзей і іншыя сацыяльныя праблемы.

60 падлеткаў з усіх раёнаў Беларусі вывучылі асновы сацыяльнага прадпрымальніцтва ў дзвюх летніх школах. Сёння гэтыя шэсць каманд працягваюць развіваць свае сацыяльныя праекты з дапамогай ментараў і старэйшых калег.

Праект ініцыяваў шырокае грамадскае абмеркаванне тэмы сацыяльнага прадпрымальніцтва ў краіне. 28 чэрвеня ў Мінску прайшоў першы Форум сацыяльнага бізнесу Беларусі, было арганізавана некалькі міжнародных семінараў c удзелам вядучых экспертаў у галіне сацыяльнага прадпрымальніцтва.

Кантакты: Алёна Ліс, каардынатар праекта (ОДБ Брусель)

+32474254750, +375293529468, alyona@odb-office.eu

Спасылка ў інтэрнэце: https://by.odb-office.eu/ekspertyza_/sacyjalnaje-pradprymalnictva