Спрыянне развіццю на мясцовым узроўні ў Рэспубліцы Беларусь

Пра праект:

Апісанне

Будучыня малых гарадоў і сельскіх тэрыторый наўпрост залежыць ад працы мясцовых органаў улады і актыўнага ўдзелу насельніцтва. Вырашыўшы праблемы лакальнага развіцця, можна разлічваць на павышэнне ўзроўню жыцця па ўсёй краіне. Аснову стратэгіі праекта складае тэрытарыяльна-арыентаванае развіццё (ТАР), сутнасць якога – вызначыць праблемы і патрэбы кожнага рэгіёну сумеснымі намаганнямі мясцовай улады і грамадскасці.

Мэты і задачы: Аб’яднаць намаганні і наладзіць партнёрства органаў улады і грамадзянскіх ініцыятыў для развіцця рэгіёнаў з улікам іх асаблівасцей.

Прамежкавыя вынікі: Удзельнікамі праекта з'яўляюцца некамерцыйныя арганізацыі, мясцовыя органы ўлады, прадпрыемствы, актыўныя мясцовыя лідэры і прадстаўнікі мясцовай супольнасці.

Каб дапамагчы мясцовым органам улады вырашаць пытанні планавання мясцовага развіцця і ажыццяўляць ўдзел у ім грамадзян, праект працаваў па трох асноўных напрамках: ацэнка мясцовых патрэбаў і праблем, нарошчванне патэнцыялу мясцовай супольнасці для іх вырашэння, а таксама фінансаванне мясцовых ініцыятыў.

Першапачаткова праект правёў шырокамаштабнае сацыялагічнае даследаванне «Мой раён» ва ўсіх 118 раёнах Беларусі для выяўлення праблем, з якімі сутыкаюцца мясцовыя жыхары. Вынікі апытання былі выкарыстаны ў якасці асновы для канцэпцый развіцця раёнаў Беларусі. Канцэпцыі развіцця раёнаў былі распрацаваны, каб атрымаць уяўленне аб асаблівасцях, моцных і слабых баках і патэнцыяле раёнаў.

Па ўсёй краіне былі арганізаваны трэнінгі па нарошчванні патэнцыялу ў галіне ўстойлівага мясцовага развіцця для мясцовых органаў улады, НДА, дзяржаўных устаноў і іншых зацікаўленых грамадзян для навучання мясцовых супольнасцяў працы з праблемамі раёнаў і іх рашэннем шляхам мабілізацыі мясцовага патэнцыялу, пошуку знешніх рэсурсаў і наладжвання супрацоўніцтва паміж суб'ектамі.

1-ы конкурс мясцовых ініцыятыў быў праведзены для заахвочвання актыўнага ўдзелу грамадзян ва ўстойлівым развіцці іх родных раёнаў, а таксама для вызначэння будучых пілотных тэрыторый праекта.

Па выніках 1-га Конкурсу было абрана 30 пілотных раёнаў для адаптавання тэрытарыяльна-арыентаванага падыходу да развіцця тэрыторый і правядзення Асноўнага конкурсу мясцовых ініцыятыў. У кожным з гэтых раёнаў былі створаны мясцовыя ініцыятыўныя групы для забеспячэння ўстойлівасці гэтых намаганняў. Прадстаўнікі мясцовых органаў улады, НДА, лідэры мясцовых супольнасцяў атрымалі новыя веды ў галіне стратэгічнага планавання мясцовага развіцця, кіравання ініцыятывамі і стварэння эфектыўных партнёрскіх адносін.

Сумесна яны распрацавалі пашпарты ТОР для сваіх раёнаў, каб вызначыць кропкі росту і неабходныя дзеянні ў мэтах мясцовага развіцця.

У выніку 2 223 прадстаўніка мясцовых супольнасцяў з 6 рэгіёнаў Беларусі падвысілі свой патэнцыял у галіне мясцовага развіцця. 243 мясцовыя ініцыятывы з усёй Беларусі атрымалі фінансавую падтрымку Еўрапейскага Саюза ў галіне паляпшэння сацыяльных паслуг, развіцця інфраструктуры, аховы здароўя, дадатковай адукацыі, эканамічнага развіцця, экалогіі, турызму і захавання культурнай спадчыны.

Падтрымка мясцовых ініцыятываў склала 3 355 054 еўра. Пашпарты ТОР 30 пілотных раёнаў былі ўключаныя ў дзяржаўныя стратэгіі сацыяльна-эканамічнага развіцця на рэгіянальным узроўні.

Людміла Сакалоўская, менеджер праекта

Тэл: +375 17 328 35 54, Маб: + 375 44 579 30 05

liudmila.sakalouskaya@undp.org

Дакументы: 

Інфармацыйны пакет «ТАР-падыход: Прылада ўстойлівага развіцця на мясцовым роўні ў Рэспубліцы Беларусь»

Брашура “ТАР – як гэта працуе”

Казка для дзяцей “Прыгоды Паўлінкі, Антося і мураша Фелікса”

Зборнік кейсаў па прыстасаванню механізмаў ТАР у Рэспубліцы Беларусь

Пераможцы Асноўнага конкурсу мясцовых ініцыятыў

Iнфармацыйны дапаможнік (на рускай мове)

Відэа:
Спасылка ў інтэрнэце: http://ld-inbelarus.by/