Пашырэнне эканамічных магчымасцей у сельскай Беларусі

Пра праект:

Апісанне

Сельскія жыхары Беларусі, чые даходы значна ніжэйшыя, чым у гараджан, рызыкуюць трапіць за рысу беднасці. Ва ўмовах, калі сельгаспрадпрыемствы маюць невысокую прадукцыйнасць працы і не могуць забяспечыць дастойны заробак, альтэрнатывай можа стаць самазанятасць. Прадпрымальніцтва здольнае не толькі прадухіліць беднасць, але і забяспечыць устойлівае развіццё рэгіёнаў.

Мэта праекта: Прапанаваць сельскім жыхарам веды, неабходныя для адкрыцця ўласнага бізнесу, даць ім магчымасць вызначаць прыярытэты развіцця сваіх рэгіёнаў, удзельнічаць у вырашэнні важных сацыяльна-эканамічных пытанняў і ў выніку – павысіць узровень жыцця ў вёсцы.

Асноўныя задачы праекта:

– наладзіць дыялог мясцовых жыхароў, прадстаўнікоў некамерцыйных арганізацый (НКА) і бізнесу з уладамі для эфектыўнага ўдзелу грамадскасці ў прыняцці сацыяльна важных рашэнняў;

– прапанаваць фінансавую, кансультацыйную і тэхнічную дапамогу сумесным ініцыятывам на месцах.

Прамежкавыя вынікі: На першым этапе праекта ў рамках адкрытага конкурсу было атрымана 60 заявак з сельскіх рэгіёнаў Беларусі. У выніку вызначаныя пераможцы – 12 пілотных тэрыторый праекта (кожная заяўка прадстаўляе адзін-два сельсаветы).

Даследчая група праекта ацаніла моцныя і слабыя бакі адабраных пілотных тэрыторый, іх канкурэнтныя перавагі і перспектывы для паспяховага эканамічнага развіцця. На падставе рэкамендацый даследчыкаў у 12 пілотных тэрыторыях прайшлі стратэгічныя сесіі з удзелам больш за 215 мясцовых жыхароў і распрацаваныя стратэгіі развіцця для кожнага рэгіёну з улікам іх асаблівасцяў. Па выніках даследаванняў падрыхтаваны зборнік, прысвечаны праблемам і перспектывам развіцця сельскіх тэрыторый, а таксама метадычны дапаможнік з рэкамендацыямі па распрацоўцы стратэгіі ўстойлівага развіцця на ўзроўні сельсавета. У партнёрстве з Таварыствам “Зялёная сетка” распрацаваная і апрабаваная інавацыйная методыка распрацоўкі стратэгій устойлівага развіцця.

На працягу года ў пілотных тэрыторыях працавалі 13 рэсурсных цэнтраў эканамічнага развіцця, за гэты час каардынатары рэсурсных цэнтраў правялі больш за 1400 гадзін кансультацый для мясцовых жыхароў і арганізацый па розных аспектах самазанятасці і дадатковага даходу, адкрыцця новых бізнесаў і наладжванні міжнароднага супрацоўніцтва. У выніку працы рэсурсных цэнтраў распрацавана больш за 20 праектных заявак і бізнес-планаў, наладжаныя два міжнародныя супрацоўніцтвы, зарэгістраваныя 6 некамерцыйных арганізацый.

85 прадстаўнікоў органаў улады і некамерцыйных арганізацый з пілотных сельскіх тэрыторый узялі ўдзел у паездках у рэгіёны Польшчы, Украіны і Беларусі, дзе яны змаглі пазнаёміцца з паспяховым досведам мясцовага развіцця.

212 прадстаўнікоў мясцовых некамерцыйных арганізацый, ініцыятыўных груп і органаў улады і кіравання ўзялі ўдзел у трэнінгавай кампаніі па пытаннях спрыяння ўстойліваму развіццю сваіх тэрыторый.

430 сельскіх жыхароў атрымалі трэнінгі і кансультацыі экспертаў, якія дапамогуць ім заняцца дадатковымі відамі гаспадарчай дзейнасці або адкрыць уласны бізнес.

На фінальнай стадыі рэалізацыі на конкурснай аснове падтрымана 13 ініцыятыў, накіраваных на эканамічнае развіццё тэрыторый, на суму 180 000 €. Ідэі падтрыманых ініцыятыў вар’іруюцца ад зусім простых, такіх як стварэнне моладзевага бізнес-інкубатара, да комплексных праектаў, накіраваных на павышэнне даходаў насельніцтва ад асабістай падсобнай гаспадаркі праз мадэрнізацыю пункта нарыхтоўкі малака і навучанне інавацыйным практыкам вядзення асабістай дапаможнай гаспадаркі і пашырэнне кааперацыі дробных вытворцаў тавараў і паслуг пад агульным лакальным брэндам “Валожынскія гасцінцы”.

Найбольш паспяховы досвед будзе распаўсюджаны па ўсёй Беларусі.

Кантакты:

Людміла Батура, менеджар праекта

+375 17 226 90 95; +375 29 307 55 43, lbatura@eurasia.by

Сайт: http://eurasia.by/blog/programs/proekt-rasshirenie-ekonomicheskih-vozmozhnostey-v-selskoy-belarusi/