– Еўрапейскі саюз гатовы прадастаўляць далейшую падтрымку для правядзення рэформаў нацыянальнай палітыкі ў сферы энергетыкі, для прасоўвання энергаэфектыўнасці. З дапамогай міжнародных фінансавых інстытутаў мы гатовыя аказваць дапамогу ў выглядзе стратэгічнага інвеставання. Кліматычныя змены, энергаэфектыўнасць і рэсурсаэфектыўнасць з'яўляюцца аднымі з прыярытэтаў у прадстаўленні тэхнічнай дапамогі, – адзначыў Дзірк Шубель.
У межах канферэнцыі прайшло падпісанне прадстаўнікамі Полацка, Брэста, Бярозы і Глыбокага Дэкларацыі аб далучэнні да новых мэт Пагаднення мэраў па клімаце і энергіі да 2030 года.
Былі праведзены панэльныя дыскусіі аб інавацыйных тэхналогіях у гарадскім асвятленні, пра важнасць энергаэфектыўнага асвятлення для ўстойлівага развіцця гарадоў; падведзены вынікі праекта. Тэхнічныя спецыялісты наведалі выставу сучаснага абсталявання для мадэрнізацыі вулічнага і дэкаратыўнага асвятлення.
Увечары адбылося афіцыйнае адкрыццё і дэманстрацыя працы новага вулічнага і дэкаратыўнага асвятлення і сістэмы кіравання, устаноўленых у рамках праекта «ГарСвятло».
Праект «ГарСвятло» рэалізуецца ў Полацку з 2015 года пры фінансавай падтрымцы Еўрапейскага саюза. Дзякуючы праекту, на 28 вуліцах горада з'явіліся амаль дзве тысячы новых святлодыёдных ліхтароў, новыя апоры асвятлення, шафы кіравання, 12 аўтаномных ліхтароў на сонечнай энергіі. Новую дэкаратыўную падсветку атрымалі 26 гарадскіх аб'ектаў, уключаючы пад'ём да Сафійскага сабора, бульвар па праспекце Францыска Скарыны і мост праз Дзвіну.
Чакаецца, што праведзеная мадэрнізацыя гарадскога асвятлення дапаможа знізіць расход энергіі на 265 МВт ч і паменшыць выкіды СО2 на 120 тон на год. Для перапрацоўкі такой колькасці СО2, давялося б высаджваць 600 дрэваў на год.
Аб праекце
Фота: Анастасія Рыжанкова
