Разам для грамады і прыроды: Міёрскі раён

Пра праект:

Тэрміны: 01.05.2019 – 30.04.2022

Бюджэт: 1 085 888 €, унёсак ЕС – 975 888 €

Арганізацыя-выканаўца: Міёрскі раённы выканаўчы камітэт

Партнёры: Грамадская арганізацыя «Ахова птушак Бацькаўшчыны» (Беларусь), Латвійскі сельскі форум (г. Рыга, Латвія)

Геаграфія: Міёрскі раён, Рэспубліка Беларусь

Апісанне

Устойлівае развіццё на рэгіянальным і мясцовым узроўнях з’яўляецца адным з найважнейшых прыярытэтаў для Рэспублікі Беларусь на найбліжэйшыя гады. Раскрыць патэнцыял рэгіёну і даць імпульс для яго далейшага развіцця дапаможа партнёрства паміж мясцовай уладай і арганізацыямі грамадзянскай супольнасці.

Мэты і задачы: У рамках праекта плануецца распрацаваць Стратэгію ўстойлівага развіцця (СУР) Міёрскага раёна. Яна будзе арыентавана на развіццё ініцыятывы і адказнасці мясцовай супольнасці, падтрымку біялагічнай і культурнай разнастайнасці, развіццё сацыяльнай інфраструктуры і “зялёнай” эканомікі. Запланавана інфармацыйная і адукацыйная праца з мясцовымі органамі ўлады па тэматыцы мясцовага развіцця з выкарыстаннем досведу краін ЕС. Рэалізацыя праекта будзе спрыяць актыўнаму ўключэнню мясцовых жыхароў у працу па захаванні ўнікальнага прыроднага патэнцыялу Міёрскага раёна.

Прамежкавыя вынікі: У в. Пераброддзе было арганізаваны свята народнай творчасці «Перабродская зорка» з майстар-класамі па рамястве і народных беларускіх танцах, музейным кутком «Мацейкавы рамёствы», фотасушкай «Наш лёс – Пераброддзе», выступамі ансамбля «Вербіца», гуртоў «Азярніца» і «Стары Ольса».

Праведзена рабочая сустрэча прадстаўнікоў Міёрскага райвыканкама і грамадскасці па стварэнні пры Мёрскім раённым Савеце дэпутатаў Грамадскага савета па ўкараненні СУР Міёрскага раёна. У жніўні 2019 года прайшоў першы ўводны семінар па распрацоўцы СУР Міёрскага раёна.

У першы год рэалізацыі праекта запланаваныя семінары па мясцовых ініцыятывах, гендарнай роўнасці і роўных магчымасцях, інфармацыйныя сустрэчы для школ, валанцёрскі летнік, прэс-тур для журналістаў, спартыўныя мерапрыемствы.

Праектам прадугледжана набыццё аўтамабіля хуткай дапамогі, будаўніцтва спартыўных і турыстычных аб’ектаў, добраўпарадкаванне раённых пляжаў і «Паўвострава» – галоўнай пляцоўкі горада для правядзення масавых мерапрыемстваў. Таксама будуць пабудаваныя вышкі для назірання за птушкамі, абсталяваныя два кэмпінгі і падоўжаная існуючая экалагічная сцежка «Азераўкі-Ельня».

На другім годзе рэалізацыі праекта запланавана фінансавая падтрымка мясцовых ініцыятыў, што паслужыць штуршком для развіцця прадпрымальніцтва ў Міёрскім раёне: тыя, у каго ёсць цікавыя ідэі, атрымаюць магчымасць іх рэалізаваць і стаць узорам для іншых.

Кантакты: Алег Сівагракаў, менеджар праекта

+ 375 29 626 46 86, mioryproekt@tut.by

Дакументы: Інфармацыйны буклет