Укараненне мерапрыемстваў па энергаэфектыўнасці з мэтай устойлівага энергетычнага развіцця Ашмянскага раёна Беларусі

Пра праект:

Тэрміны: 01.07.2018 — 30.06.2021

Бюджэт: 696 614,72 €, унёсак ЕС — 554 992,95 €

Арганізацыя-выканаўца: Ашмянскі раённы выканаўчы камітэт

Геаграфія: Ашмянскі раён, Рэспубліка Беларусь

Апісанне

Укараненне энергаэфектыўных захадаў і выкарыстанне аднаўляльных крыніц энергіі ва ўстановах адукацыі дазваляюць знізіць спажыванне цеплавой і электрычнай энергіі, скараціць бюджэтныя выдаткі на яе аплату і паменшыць выкіды парніковых газаў.

Мэты і задачы: Асноўная мэта праекта – павышэнне эфектыўнасці выкарыстання энергарэсурсаў і скарачэнне выкідаў СО2 у Ашмянскім раёне. Праект таксама накіраваны на інфармаванне мясцовых жыхароў аб сучасных энергаэфектыўных тэхналогіях і магчымасцях іх прымянення ў Беларусі. Усе запланаваныя мерапрыемствы будуць спрыяць фармаванню навыкаў па беражлівым стаўленні да навакольнага асяроддзя і эфектыўным выкарыстанні энергарэсурсаў.

Прамежкавыя вынікі: Праведзены энергетычны аўдыт пілотнага аб’екта – дзіцячага сада №3 г. Ашмяны. Па яго выніках распрацоўваецца праектна-каштарысная дакументацыя для правядзення работ па ўцяпленні сцен і даху, замене вокнаў на энергаэфектыўныя, усталёўцы сонечнага калектара для падагрэву вады і цеплавых помпаў для сістэмы ацяплення, сонечных панэляў і сістэмы вентыляцыі з рэкуперацыяй цяпла. Кухоннае абсталяванне і вонкавае і ўнутранае асвятленне дзіцячага садка таксама будуць замененыя на энергаэфектыўныя.

Сярод выхавальнікаў дзіцячых садкоў Ашмянскага раёна праведзены конкурс на найлепшую метадычную працу і інавацыйныя формы і тэхналогіі працы з выхаванцамі дзіцячых садкоў, іх бацькамі і насельніцтвам па тэме захавання рэсурсаў і аховы навакольнага асяроддзя. Пераможцы конкурсу ўзнагароджаны памятнымі сувенірамі.

У межах Еўрапейскага тыдня ўстойлівай энергіі – 2019 прайшлі мерапрыемствы ў школах, дзіцячых садках і лагерах адпачынку па прасоўванні энергаэфектыўнага ладу жыцця сярод дзяцей. У мерапрыемствах удзельнічалі больш за 100 чалавек.

Кантакты:

Сяргей Нікіцін, кіраўнік праекта,

тэл.: +375 29 323-51-96, +375 1593 20-321, e-mail: eu_project@oshmiany.gov.by, nikitsin@hotmail.com.

Спасылкі: http://oshmiany.gov.by