Ініцыятыва “Пагадненне мэраў”, устойлівае развіццё, навучанне і бізнес – галоўныя тэмы новага “Еўрабюлетэня”

Свежы нумар “Еўрабюлетэня” прысвечаны буйным праектам у розных сферах, якія рэалізуюцца ў Беларусі пры фінансавай падтрымцы Еўрапейскага саюза.

• Новы кіраўнік Прадстаўніцтва ЕС Дырк Шубель растлумачыў, чаму Еўрапейскі саюз лічыць важным аказанне тэхнічнай дапамогі Беларусі і ў якіх сферах актыўна развіваецца супрацоўніцтва. 

• Дар’я Чумакова падвяла вынікі рэалізацыі двухгадовага праекта “Развіццё гарадскога веласіпеднага руху ў інтарэсах грамадскасці Рэспублікі Беларусь” і расказала, што было зроблена за гэты час.

• Больш за тры тысячы беларусаў скарысталіся магчымасцямі праграмы МОСТ для ўсталявання прафесійных кантактаў з еўрапейскімі калегамі. Анатоль Байферт распавёў пра ўмовы ўдзелу ў праграме і пра тое, як адбіраюцца ўдзельнікі.

• Новы праект “Разам для грамадства і прыроды: Міёрскі раён” ставіць сваёй мэтай спрыянне ўстойліваму развіццю Міёрскага раёна праз прасоўванне мясцовых брэндаў і вытворцаў. Алег Сівагракаў падзяліўся планамі па рэалізацыі дадзенага праекта.

• Юлія Яблонская і Вольга Салахеева распавялі пра ўдзел Беларусі ў ініцыятыве “Пагадненне мэраў па клімаце і энергіі”, а Вольга Кузняцова падзялілася паспяховымі прыкладамі удзельнікаў праекту “Кансультацыі для малога бізнесу ў Беларусі”.

Завяршаюць нумар навіны пра нацыянальныя кансультацыі ЕС з краінамі-ўдзельніцамі Усходняга партнёрства пра будучыню гэтай ініцыятывы і пра камунікацыйную кампанію “Суседзі натхняюць!” аб праграмах трансгранічнага супрацоўніцтва “Польшча – Беларусь – Україна” і “Латвія – Літва – Беларусь”.