Тэма:

Для актыўнага прасоўвання сваіх тавараў на еўрапейскім рынку Беларусі неабходна прывесці вытворчыя стандарты ў адпаведнасць з нормамі Еўрапейскага саюза, дзе энергаэфектыўнасць мае вялікае значэнне. Праект закліканы павысіць канкурэнтаздольнасць беларускай эканомікі, палепшыць яе экалагічную эфектыўнасць.

Кожны раён Беларусі мае свае ўнікальныя рысы, моцныя і слабыя бакі. Ведаць і ўлічваць іх у працэсе стратэгічнага планавання важна як для саміх раёнаў, так і для ўсёй краіны. Дадзены праект ёсць часткай комплекснай праграмы RELOAD у падтрымку намаганняў урада Беларусі па прасоўванні ўстойлівага развіцця рэгіёнаў. Яшчэ адзін кампанент праграмы RELOAD рэалізуецца Праграмай развіцця ААН у Беларусі.

Беларусь – транзітная краіна, яе геаграфічнае становішча зручнае для міграцыі. За апошнія некалькі гадоў транзітны паток нелегальных мігрантаў і асоб, якія шукаюць прытулку, павялічыўся ў два разы. Дзяржаўныя, няўрадавыя і міжнародныя арганізацыі аб’ядналі намаганні для вырашэння гэтай праблемы.

Графен прызнаны адным з самых перспектыўных матэрыялаў будучыні. Усе сусветныя распрацоўкі, якія вядуцца ў дадзены момант, нацэленыя на пошук практычнага прымянення гэтага матэрыялу, які валодае ўнікальнымі фізічнымі, хімічнымі і электрычнымі ўласцівасцямі.

Больш за 6 700 чалавек у Рагачоўскім раёне жывуць у 119 малых аддаленых населеных пунктах, дзе няма ўстаноў культуры. Праект не толькі дазволіў ім атрымліваць свежую інфармацыю, стаць удзельнікамі культурных падзей, але і дапамог раскрыць таленты.

Столінскі раён – свайго роду эксперыментальны агародніцкі цэнтр Беларусі, дзе тэстуюцца і ўкараняюцца новыя элементы тэхналогій і агароднінныя культуры. Займаючыся агародніцтвам, сельскія жыхары самастойна забяспечваюць сябе, сваіх родных і блізкіх працай.

Праблема энергазберажэння становіцца для Беларусі ўсё больш актуальнай. Яе рашэнне ў пэўнай ступені залежыць ад узроўню экалагічнай культуры грамадзян. Праект дэманструе, што навучанне асновам энергаэфектыўнасці можна пачынаць з дзіцячага садка.

Дзяржавы сумесна забяспечваюць экалагічную бяспеку трансгранічных рэк, якія працякаюць па іх тэрыторыі. Гэты рэгіянальны праект скіраваны на паляпшэнне экалогіі Чарнаморскага басейна, да якога адносяцца многія рэкі Беларусі.

На тэрыторыі Беларусі да гэтага часу знаходзіцца больш за 10 000 тон непрыгодных пестыцыдаў – небяспечных хімічных рэчываў, якія з’яўляюцца сур’ёзнай пагрозай для здароўя чалавека і навакольнага асяроддзя. Мінімізаваць негатыўнае ўздзеянне небяспечных адкідаў дапаможа сістэмны падыход да працэсу іх ліквідацыі. Праект таксама стане ўнёскам у “зялёную эканоміку” як аднаго з ключавых складнікаў развіцця краіны.