загрузка карты...
Паказаць карту
Адкрыць легенду
Зачыніць легенду
Зялёная эканоміка, навакольнае асяроддзе і ўстойлівае развіццё
Энергетыка
Развіццё прыватнага сектара
Рэгіянальнае развіццё
Ахова здароўя і сацыяльная інтэграцыя
Культура, навука, адукацыя і моладзь
Грамадзянская супольнасць і правы чалавека
Эфектыўнае дзяржаўнае кіраванне
Рэфармаванне судовай і пенітэнцыярнай сістэмы
Міграцыя, прытулак і бежанцы
Кіраванне дзяржаўнай мяжой
Мір і бяспека
Нормы і стандарты
Тэма:
Захаванне і адаптацыя спадчыны князёў Радзівілаў для развіцця турызму ў Кедайняі і Нясвіжы
Беларусь і Літву яднае гісторыя княжацкага роду Радзівілаў, чыя спадчына прыцягвае турыстаў у Кедайняй і Нясвіж. Захаванне гісторыка-культурных аб'ектаў, звязаных з сям'ёй Радзівілаў, з'яўляецца важнай умовай для далейшага развіцця турыстычнага патэнцыялу двух рэгіёнаў.
«Шляхам Тызенгаўза» — стварэнне турыстычнага маршруту з мэтай прасоўвання культурна-гістарычнай спадчыны двух гарадоў: Саколкі і Гродна
Польскі горад Саколка і беларускі Гродна аб'ядноўвае фігура князя Антонія Тызенгаўза — вядомага рэфарматара і фінансіста, палітычнага і грамадскага дзеяча XVII стагоддзя. Супрацоўніцтва двух гарадоў па захаванні культурна-гістарычнай спадчыны князя Тызенгаўза дапаможа раскрыць турыстычны патэнцыял рэгіёна.
Мадэль медыцынскай праграмы барацьбы з астэапарозам на польска-беларускім памежжы
Павелічэнне сярэдняй працягласці жыцця і адмоўны натуральны прырост насельніцтва спрыяюць таму, што ў Беларусі расце колькасць людзей сталага ўзросту. Адна з праблем пажылых грамадзян – астэапароз. У Беларусі і Польшчы прыблізна 30% людзей старэйшых за 50 гадоў пакутуюць на гэтае захворванне. Пры гэтым у большасці выпадкаў з-за недахопу спецыялістаў і адсутнасці сістэмы ранняй дыягностыкі астэапароз у пажылых людзей выяўляюць толькі пры пераломе.
Разам для грамады і прыроды: Міёрскі раён
Устойлівае развіццё на рэгіянальным і мясцовым узроўнях з’яўляецца адным з найважнейшых прыярытэтаў для Рэспублікі Беларусь на найбліжэйшыя гады. Раскрыць патэнцыял рэгіёну і даць імпульс для яго далейшага развіцця дапаможа партнёрства паміж мясцовай уладай і арганізацыямі грамадзянскай супольнасці.
Удзел грамадскасці і эфектыўнае кіраванне воднымі рэсурсамі ў Мастоўскім раёне
Сельскія жыхары ў Беларусі часта вымушаныя выкарыстоўваць пітную ваду дрэннай якасці з калодзежаў і не могуць скарыстацца паслугамі па водаадвядзенні. Мастоўскі раён не стаў выключэннем: паводле папярэдніх дадзеных, у 70% калодзежаў вада можа быць нітратна і бактэрыялагічна забруджанай. Палепшыць сітуацыю з водазабеспячэннем і водаадвядзеннем плануецца пры падтрымцы праекта Еўрапейскага саюза.
Спрыянне Рэспубліцы Беларусь у вырашэнні пытанняў, звязаных з павелічэннем колькасці нерэгулярных мігрантаў
Нерэгулярная міграцыя з’яўляецца праблемай для большасці дзяржаў, у тым ліку і для Беларусі ‒ транзітнай краіны па шляху на Захад. Кантроль міграцыйных патокаў і кіраванне імі павышае ўзровень бяспекі як на знешняй мяжы Беларусі з ЕС, так і ў рэгіёне ў цэлым.
Занятасць, прафесійная адукацыя і навучанне ў Беларусі (аснашчэнне рэсурсных цэнтраў)
Праект накіраваны на адаптацыю сістэмы прафесійнай падрыхтоўкі спецыялістаў у Беларусі пад патрэбы сучаснага рынку працы. У рамках праекта плануецца аснашчэнне шасці рэсурсных цэнтраў і васьмі навучальных лабараторый сучасным тэхналагічным абсталяваннем для падрыхтоўкі спецыялістаў у галіне энергетыкі, энергаэфектыўнасці і экалогіі.
“Буг аб’ядноўвае нас” – стварэнне двух трансгранічных турыстычных маршрутаў для сплаву на байдарках
У воднага шляху, які праходзіць у Брэсцкай вобласці па Дняпроўска-Бугскім канале, рэках Мухавец і Буг, ёсць вялікі турыстычны патэнцыял. Аднак актыўнаму прыцягненню турыстаў перашкаджае адсутнасць спадарожнай інфраструктуры ўздоўж воднага шляху, а таксама недахоп інфармацыі аб прыродных і іншых славутасцях на гэтым маршруце.
Умацаванне супрацоўніцтва дзяржаў і стварэнне перадумоў для вырашэння агульных экалагічных выклікаў
Паспяхова рэалізаваны праект дазволіць усім бакам, якія ўдзельнічаюць у праекце, эфектыўна змагацца з аварыямі, катастрофамі на каналізацыйных сетках, выкарыстоўваючы агульныя метадалогіі, досвед і сучаснае абсталяванне – вакуумныя экскаватары. Праект акажа станоўчы ўплыў на забеспячэнне экалагічнай устойлівасці і абарону водных рэсурсаў трансгранічных рэк.
Падтрымка эфектыўнага маніторынгу выкідаў у атмасфернае паветра і радыяцыйнага маніторынгу, удасканаленне кіравання навакольным асяроддзем у Беларусі (праект SAQEM-1)
У Беларусі колькасць шкодных выкідаў у атмасферу на душу насельніцтва на 52% вышэйшая, чым у Еўрапейскім саюзе. Маніторынг і эфектыўны кантроль якасці паветра дазваляе ацэньваць і прагназаваць асноўныя тэндэнцыі змены якасці атмасфернага паветра для своечасовага выяўлення негатыўных уздзеянняў прыродных і антрапагенных фактараў.
